حمدي الميرغني يشارك كضيف شرف فى الجزء السادس من الكبير أوي بطولة أحمد مكي

كشف حمدي الميرغني خلال لقائه مع برنامج Mbc trending المذاع علي Mbc4، عن مشاركته كضيف شرف في مسلسل الكبير أوي الجزء 6، وقال : أنا صورت قبل ما أصحاب المسلسل يصوروا، يعني أنا طالع ضيف، وصورت قبلهم، فبقولهم انتم بتصوروا للضيف قبل ما تصوروا نفسكم.

وأضاف : هما لسه بادئين تصوير من أسبوع، وأنا شاركت في أول حلقة تم تصويرها، وكنت فرحان جدًا، وكان كلمني المخرج أحمد الجندي أستاذنا طبعًا، وأنا اشتغلت معاه كتير، أما علاقتي بـ مكي فعمرها ما كانت شغل، يعني أنا بتعامل في الشغل إن أنا واحد من الجمهور، اللي بحبه بشتغل معاه بعيدا بقى عن الحسابات، وأنا بعشق مكي وشغله، وفيه ناس بتحسبها أنا مش هينفع أطلع ضيف دلوقتي، بس أنا لا، مابحسبهاش كدا.

من ناحية أخرى انتهى حمدي الميرغني من تصوير فيلم تماسيح النيل، من تأليف لؤي السيد وإخراج سامح عبدالعزيز، ويشاركه البطولة العديد من النجوم ومنهم، مصطفى خاطر، خالد الصاوي، محمد ثروت، كريم عفيفي، بيومي فؤاد، هنادي مهنا، ويزو، محمد جمعة، سليمان عيد، بدرية طلبة، وسيتم عرضه 26 يناير المقبل.

كما انتهى أيضًا من تصوير فيلم تجاري، سيناريو وحوار زين العابدين خيري وإخراج محمود كامل، ويشاركه البطولة عمرو عبدالجليل، وياسر الطوبجي، وعمرو عبدالعزيز، وفرح يوسف، ومحسن منصور.

أما عن فيلم زومبي، فيتبقى له يوم تصوير واحد فقط وينتهي منه بالكامل، والفليم من تأليف أمين جمال وإخراج عمرو صلاح، ويشاركه البطولة على ربيع، كريم عفيفى، هاجر أحمد، محمد أوتاكا، عارفة عبدالرسول، ومحمد محمود.