نوستالجيا عمرو عرفة على تويتر
ينشغل المخرج عمرو عرفة حاليًا بالتحضير لفيلم أهل الكهف، الذي يعود به للسينما بعد غياب لعدة سنوات، والذى قرر أن يبدأ تصويره خلال الشهر القادم، حيث تدور 80% من مشاهده في المغرب، والفيلم من بطولة حسن الرداد، أمينة خليل، محمد ممدوح، صلاح عبد الله، مصطفى خاطر، ونجوم آخرين، ومن إنتاج السبكي.
ورغم انشغال عمرو عرفة بالتحضير للفيلم، إلا أن هذا لم يمنعه من استعادة ذكريات، حيث نشر عبر تويتر صورة تجمعه بالفنان الراحل علاء ولي الدين وعلق عليها قائلا : كنت متختخ في الفتره دي ..مش ممكن تبقي مع علاء و متتخنش.. يفتح نفسك علي الأكل .. مره كان واخد أوضه في انتركونتننتال وأنا معاه ولسه همشي قالي هأكلك أحلى كبده ومخ من عجيبة .. لسه بقول مستحيل يخش الفندق لقيت المساعد داخل شايل علبتين تورته وجواها ٢٠ رغيف كبده ومخ.. الله يرحمك.
كنت متختخ في الفتره دي ..مش ممكن تبقي مع علاء و متتخنش.. يفتح نفسك علي الاكل .. مره كان واخد اوضه في انتركونتننتال و انا معاه و لسه همشي قالي هأكلك احلي كبده ومخ من عجيبه .. لسه بقول مستحيل يخش الفندق لقيت المساعد داخل شايل علبتين تورته و جواها ٢٠ رغيف كبده و مخ 😂 الله يرحمك pic.twitter.com/7dxooqkl9T
— Amr arafa (@AArafa) October 15, 2020
أيضا نشر صورة تجمعه بالزعيم عادل إمام وعلق عليها قائلا : كنت بتمشي أنا والزعيم من مكتبه لمكتبي وحكيت قصة الفيلم في سطر .. بص لي وقالي ده تأليفك؟ .. هزيت راسي .. كمل مشي ومردش.. وأنا نسيت.. بعدها بشهرين كلمني وقالي فاكر السطر اللي أنت حكيتهولي أنا عاوز أعمل الفيلم ده ويانا يا السفارة في قلب العمارة.
كنت بتمشي انا و #الزعيم من مكتبه لمكتبي و حكيت قصه الفيلم في سطر .. بص لي و قالي ده تأليفك ؟ .. هزيت راسي .. كمل مشي و مردش .. و أنا نسيت ..بعدها بشهرين كلمني و قالي فاكر السطر اللي انت حكيتهولي أنا عاوز أعمل الفيلم ده و يانا يا السفارة في قلب العمارة 😂😂😂#صباح_الخيرpic.twitter.com/7VgftNZlch
— Amr arafa (@AArafa) October 12, 2020
وفى تغريدة أخرى كتب عرفة : كنت بشتغل مدير إنتاج في فيلم الحقونا، وبالصدفهً يوم ٢٨ أبريل اللي هوه يوم ميلادي لقيت تورته قولت إيه المفاجأة الحلوة دي وشويه ولقيتهم بيغنوا للأستاذ نور الشريف طلع عيد ميلاده في نفس اليوم .. مزعلتش ومقولتش لحد ووقفت جنبه وقولت كأنه عيد ميلادي.
كنت بشتغل مدير انتاج في فيلم الحقونا و بالصدفهً يوم ٢٨ ابريل اللي هوه يوم ميلادي لقيت تورته قولت ايه المفاجاه الحلوه دي و شويه و لقيتهم بيغنوا للاستاذ نور الشريف طلع عيد ميلاده في نفس اليوم .. مذعلتش و مقولتش لحد و وقفت جنبه و قولت كأنه عيد ميلادي #صورتك_في_الشغل_photo_challengepic.twitter.com/70M9ddFMN4
— Amr arafa (@AArafa) October 9, 2020
كما تذكر عمرو عرفة فرحته في العرض الخاص لأول فيلم من إخراجه، وهو فيلم أفريكانو وكتب عبر تويتر : العرض الخاص لفيلم أفريكانو أول إخراج .. تجربه لا تُنسي.
العرض الخاص لفيلم #أفريكانو أول إخراج .. تجربه لا تُنسي . pic.twitter.com/FLSO3Pg6sJ
— Amr arafa (@AArafa) October 8, 2020
وتحدث أيضًا عمرو عرفه في إحدى التغريدات عن ذكرياته مع فيلم السادات وبطله الراحل أحمد زكي ونشر مجموعة صور علق عليها قائلاً : لما قرر ينتج السادات كلمني وكنت منتج فني ولما طال التحضير جاتلي فرصة أفريكانو أول إخراج قالي مش هتسيبني لازم تبقي موجود في بيت السادات ومجلس الشعب والإسماعلية ومجلس قيادة الثورة وفعلاً كنت موجود وهو اللي سابنا وراح عند اللي خلقه .. أحمد ذكي موهبه لن تكرر.
لما قرر ينتج #السادات كلمني و كنت منتج فني و لما طال التحضير جاتلي فرصة افريكانو اول اخراج قالي مش هتسيبني لازم تبقي موجود في بيت السادات و مجلس الشعب و الاسماعليه و مجلس قيادة الثورة و فعلاً كنت موجود و هو اللي سابنا و راح عند اللي خلقه .. #احمد_ذكي موهبه لن تكرر . #صباح_الخيرpic.twitter.com/XG6a2IFZb8
— Amr arafa (@AArafa) October 21, 2020
