حماده هلال : يوسف ابني هوه اللي اختار دوره في المداح والتمثيل مش بالواسطة
حل حماده هلال ضيفًا على خبر أبيض TV وكشف خلال اللقاء عن كواليس مشاركه نجله يوسف في الجزء الرابع من مسلسل المداح، والذي حمل إسم أسطورة العودة.
وقال حماده هلال في تصريح خاص : كنت قاعد في أوضتي علشان أبدأ أذاكر لقيت يوسف ابني دخل عليا، وأنا عارف إنه طول الوقع عايز يمثل فقولتله استنى الوقت المناسب وركز دلوقتي في دراستك، لقيته بيقولي هموت وأعمل شخصية داود، قولتله ليه اخترت الدور ده أنا مش حابه أصلاً ومُشفق على الطفل اللي هيعمله، لأنه صعب في كل حاجة وفيه مجهود كبير.
شاهد الفيديو التالي ..
وتابع : يوسف قالي طب وديني عند أستاذ أحمد سمير وبعدين نشوف، ولما سمير شافه قالي أنا عايزه في الدور ده، وقولتله وقتها لو لقيته ضعيف في التمثيل أنا مش هعرف أمثل، قالي أكيد هعمل كده، لأن التمثيل مش بالواسطة.
أبطال المداح
ويشارك في بطولة مسلسل المداح أسطورة العودة، بجانب حماده هلال كل من فتحي عبدالوهاب، هبة مجدي، سهر الصايغ، دنيا عبدالعزيز، خالد سرحان، حنان سليمان، محمد عز، تامر شلتوت، صبحي خليل، ويظهر خلال الأحداث عدد من ضيوف الشرف مثل دياب ورشدي الشامي وفتوح أحمد وأشرف زكي ومحسن محي الدين، ومن تأليف أمين جمال ووليد أبو المجد وشريف يسري، وإخراج أحمد سمير فرج، وإنتاج سيدرز آرت برودكشن صباح إخوان، ومنتج منفذ شركة أجورا ميديا للإنتاج.
ويشهد الجزء الرابع من مسلسل المداح مشاركة يوسف حماده هلال، والذي يجسد شخصية الطفل داوود، وهو أحد الحالات التي سيحاول الشيخ صابر حل لغزها خلال حلقات المسلسل.
تعاونه مع محمد هنيدي
ومن المقرر أن يبدأ حماده هلال التحضير لفيلم جديد من إنتاج محمد هنيدي، بعد الموسم الرمضاني الجاري 2024، وتحدث عن تفاصيل هذا العمل في تصريح سابق لـ خبر أبيض، مبديًا عن سعادته بهذا التعاون.
وأعلن حماده هلال منذ فترة عن نيته تقديم جزء ثاني من فيلم حلم العمر، ولكن إلى الآن لم يعلن عن العمل بشكل رسمي، وشارك في بطولة الجزء الأول بجانب حماده كل من دينا فؤاد، رامي وحيد، هالة فاخر، توفيق عبدالحميد، حجاج كامل، منة عرفة، ودارت الأحداث حول شاب فقير يعشق الملاكمة، ويحاول الوصول للعالمية.
