محمد إمام : أستعد لمشروع فني جديد مع بيتر ميمي والزعيم أكتر واحد برتاح في الشغل معاه

احتفل محمد إمام بعرض فيلمه عمهم في دبي منذ أيام، حيث حقق العمل إيرادات كبيرة في شباك التذاكر منذ أول يوم عرض له ضمن موسم أفلام عيد الأضحى. 

وقال إمام في لقاء ببرنامج شاهد سكاي على قناة Sky news بالعربية : أهتم في أعمالي بتقديم ما يعجب الجمهور وأحاول التنوع في أدواري، لكنني في الفترة الاخيرة أقدم نوعية أعمال الأكشن الكوميدي لأننا لا نقدمه كثيرا في الوطن العربي، ومثلما يعد الأكشن صعب في التدريب عليه وأدائه وتنفيذه فالكوميديا أصعب منه. 

وتابع : الشعب المصري دمه خفيف جدا وصعب تضحكه وأنا شغال عشان الجمهور، وبعتبر الشعب المصري هو اللي صرف عليا ودخلني مدرسة وجامعة لما كان بيدخل أفلام عادل إمام في السينما، والزعيم هو أكتر حد برتاح معاه في الشغل، وأول مرة دخلت اللوكيشن في فيلم معاه حسيت أني داخل عليه أوضة النوم في البيت. 

وعن أعماله المقبلة استكمل : أتمنى تقديم عمل فني مختلف عن ما قدمته من قبل وممكن  يكون عمل تراجيدي أو كوميدي فقط مش أكشن، كما أنني سأجتمع مع المخرج بيتر ميمي في مشروع فني قريبا، وهو من أهم المخرجين في مصر ودوري معه في مسلسل الاختيار 1 حقق ردود أفعال إيجابية للغاية.