أوس أوس بعد تجسيده دي كابريو فى الكبير أوي : بستمتع بالشغل مع أحمد مكي وفي كيميا بينا

ظهر أوس أوس في الحلقة الـ 27 من مسلسل الكبير أوي في موسمه السادس، وجسد شخصية ليوناردو دي كابريو، وذلك ضمن الاستعدادات الخاصة بانطلاق مهرحان المزاريطة السينمائي.

وكشف أوس أوس في تصريح لـ خبر أبيض، كواليس مشاركته في الموسم السادس من الكبير أوي، قائلا : الكبير أوي بنعتبره بيتنا والمخرج أحمد الجندي دايما بيشوفني في أدوار عجيبة وبيحطني في شخصيات مختلفة، وأول مرة ظهرت في الكبير أوي كنت عامل مخرج أمريكاني، والجزء اللي بعده جسدت شخصية واحد من كينيا. 

وتابع : بستمتع بالشغل مع أحمد مكي وفي كيميا بينا، وبنتعلم منه وبيدي مساحة لأي حد بيقف قدامه وبيحاول دايمًا إن اللي معاه ياخد فرصته ومساحته، وردود الفعل اللي جات لي على شخصية ليوناردو دي كابريو أسعدتنى، وأنا بطبيعتى مش بهتم بالتريند ولكن يهمني إن الناس تتبسط.

ومسلسل الكبير أوي 6 يشارك في بطولته أحمد مكي، محمد سلام، بيومي فؤاد، هشام إسماعيل، رحمة أحمد، سما إبراهيم، محمد أوتاكا، والعمل من تأليف مصطفى صقر  أما الإخراج فهو لـ أحمد الجندي.