بالفيديو : أول مرة .. أحمد السقا يتحدث عن ياسين ونادية وحمزة

يواصل أحمد السقا حديثه مع خبر أبيض، ويكشف في حوار جديد عن أسرار يعلنها لأول مرة عن أفراد أسرته وخطته للمرحلة المقبلة.

وقال السقا في حوار حصري : ياسين ابني الكبير كان له تجربة فنية لم تكتمل، وأنا نصحته يكمل دراسته وبعدها يشوف إذا كان هيخرج ولا هيمثل ولا هيصور ولا هيكتب سكريبت، وبعدها يبدأ في الخطوات ويمشي في السكة اللي هو عايزها، بس نصيحتي ليه إنه يركز في الكويس والوحش، ويستفيد من تجربتي طول السنين اللي فاتت.

وتابع : أنا عندي من الخبرة إني أقوله إيه الصح وإيه الغلط، وهو ربنا يكملها معاه بالستر، وأهم حاجة يبقى إنسان صالح، وأنا شايفه متحميس ومجتهد.

وعن ابنته نادية قال : صوتها حلو، بس بالإنجليزي أكتر، وبطلب منها تغني الأغاني اللي أنا بعرفها، لكن دلوقتي في أغاني كتير معرفهاش، وطول فترة تواجدي في البيت بدلعها وبلعب معاها.

وتابع السقا : حمزة له توجهات وهوايات أخرى، ونفسه يدخل كلية حقوق، وهو بيحب الفروسية، وكل الناس بيقولوا أن حمزة طالع شبهي قوي.

شاهد الفيديو التالي …