بالفيديو .. أحمد زاهر بعد بطولة فيلم فارس : مقدرش أنافس السقا فى الأكشن وحلمى له جمهور كبير

بدأ منذ أيام قليلة عرض فيلم فارس، الذي يقوم ببطولته أحمد زاهر، وحقق العمل ردود فعل كبيرة خاصة أنه يتضمن العديد من مشاهد الأكشن.

وقال أحمد زاهر في تصريح خاص لكاميرا خبر أبيض عن منافسته في هذا الموسم مع فيلمي واحد تاني والعنكبوت : أنا عمر ما أفكر في المنافسة، خاصة أحمد السقا وأحمد حلمي لأنهم نجوم كبار وأنا أقل منهم بكتير، كمان هما أساتذه كبار وليهم جمهور كبير، وتابع : طول عمري بحب الحاجة وأشتغل عليها وأعملها وأسيب الباقي على ربنا، وأي حاجة راضي بيها لو نجاح ساحق أو مقبول الحمد لله، لأن أي إنسان له كبوات وصعود وهبوط، والمسألة كلها قدرية ومحدش فينا عارف إيه هيحصل بكرة.

وعن منافسته لـ أحمد السقا في الأكشن قال : مقدرش أنافس السقا وهو نجم وأستاذ كبير، لكن اللي حصل إني فكرت أخوض التجربة واتمرنت كويس، ومش شرط تكون أعمالي اللي جاية كلها أكشن.

فيلم فارس من بطولة أحمد زاهر، حسين فهمي، إيمان العاصي، ملك أحمد زاهر، باميلا الكيك، أحمد صفوت، والعديد من ضيوف الشرف، والعمل من تأليف حسام موسى وإخراج رؤوف عبدالعزيز.

شاهد الفيديو التالي ...