بيومى فؤاد : بشرب سجاير من ورا مراتى ونفسى أضرب أوس أوس
كشف بيومي فؤاد خلال الجزء الثاني من لقاءه ببرنامج واحد من الناس مع الإعلامي عمرو الليثي علي الحياة، عن كونه أخفى عدد من الأسرار عن زوجته.
وقال بيومي : أنا فيه حاجات كتير بخبيها علي مراتي، زي إني بشرب سجاير من وراها، وكل سنة بوعدها إني مش هعمل مسلسلات في رمضان وبخبي عليها وبمضي شغل في رمضان، وهي ماتعرفش أنا رايح فين وراجع منين، وبسيبها علي الله وعمري ما كدبت عليها ولا هي عمرها إتجسست عليا، والحمدلله لحد دلوقتي مكشفتنيش، ومراتي زعلها وحش أوي بس لسه ماجربتش.
وتابع بيومي فؤاد : فيه معجبات كتير جدا علشان أنا لطيف، بس أنا تقيل علشان دي حاجة إتولدت بيها طبيعي، يعني بكره الكلام في التليفونات، ومابعرفش أجيب دباديب، وأنا ومراتي عمرنا ما احتفلنا بعيد جوازنا، ولا بأعياد الميلاد لأننا بنهتم أكتر بولادنا.
وأضاف : أنا دايما عند حدودي، وبحب الست اللي بتعمل حدود، وسر السعادة الزوجية اللي تعرف تطنشه طنشه علشان تفضل لطيف، وعلشان الحياة تستمر.
وجاوب بيومي فؤاد علي سؤال مين الشخص اللي نفسك تضربه فقال : أوس أوس، لأن لسانه طويل حتى انه في عزاء حماة عمرو الليثى بقوله محدش يجيلك في حاجة وحشه، فرد، لا هتيجى انت مش بتفوت حاجة.
ومن ناحية أخري يشارك بيومي فؤاد في السباق الرمضاني 2022 بمسلسل المشوار الذي يجمعه مع محمد رمضان ودينا الشربيني، ومسلسل الاختيار 3 الذي يجسد من خلاله شخصية أحد القيادات الإخوانية، وكذلك الجزء السادس من مسلسل الكبير أوي، فيما يشارك كضيف شرف في الجزء الثانى من مسلسل المداح، بطولة حمادة هلال وهبة مجدي وآخرين.
