إيمي سمير غانم : صورة ألم والدي ووالدتي لسة في بالي ونفسي أعمل عمرة

نشرت إيمي سمير غانم منذ قليل، صورة تجمعها بوالدتها دلال عبدالعزيز وشقيقتها دنيا سمير غانم، وترحمت على والدها ووالدتها.

وقالت إيمي تعليقًا على الصورة التي نشرتها : وحشتيني أوي، مش عارفة أستوعب فراقك أنتي و بابي وللأسف صورتكوا وأنتوا بتتألموا قدام عيني أنا ودنيا .. موجوده قدام عيني وبتخليني كل يوم بعيط، بحاول أتلهي في حاجات بس أرجع وأقعد مع نفسي يفضل قدام عيني صور توجع قلبي .. أنا آسفة إني بشارك معاكوا النكد ده، بس أنا في عالم تاني وإن شاء الله ربنا يكتب لي أروح أعمل عمرة عشان أكيد هكون أحسن بإذن الله.

وكانت دنيا سمير غانم قد تسلمت جائزة تكريم سمير غانم ودلال عبدالعزيز، خلال شهر سبتمبر الماضي، في افتتاح الدورة الـ 14 من المهرجان القومي للمسرح، وكان ذلك أول ظهور لها منذ وفاة والديها ومرورها بحالة حزن كبيرة جعلتها تعتذر عن حضور أي فعاليات فنية خلال الفترة الماضية، ووجهت دنيا يومها الشكر للجمهور ولجميع من دعمها وأسرتها خلال الفترة التي أعقبت رحيل والديها.