جنات: حبيت كاظم الساهر من أول نظرة وكان نفسي أتجوزه لما أكبر
تحدثت جنات عن علاقة الحب الكبيرة بينها وبين كاظم الساهر، مؤكدة أنها كانت تتمنى الزواج منه في صغرها وكانت تعلق صورة في غرفتها.
جنات تتحدث عن كاظم وأنغام
وتابعت جنات خلال حديثها لمنى الشاذلي فى برنامج معكم: كنت بحبه وعاوزة أتجوزه، وغنينا مع بعض بمناسبة عيد الأم، وحلمي اتحقق، وأنا حبيته من أول نظرة، وما قولتلوش إنه كان فتى أحلامي، كما تحدثت جنات عن أنغام وقالت: أنغام تاريخ كبير وشخصية مهمة، وحمدلله على سلامتها.
ألبوم جديد
وطرحت جنات ألبومها الجديد ألوم على مين، مؤخرا وكشفت لكاميرا خبر أبيض عن تفاصيل الألبوم، وسبب اختيار موعد طرحه في الصيف الحالي وسط هذه المنافسة الكبيرة للنجوم الكبار، وسبب عدم خوضها تجربة التمثيل حتى الآن، وعدد آخر من الأسرار.
مقررتش أطرح ألبومي وسط الزحمة
وتحدثت جنات عن سبب اختيار موعد طرح ألبومها الجديد، وقالت : أنا مقررتش أطرح ألبومي وسط الزحمة، والفكرة جاتيلي قبل ماعرف مين هينزل ألبوم، لكن جاتلي حالة سعادة كبيرة جداً بسبب الرواج الموجود دلوقتي، وإحنا كنا كده زمان، وكل الناس كانت بتنجح.
وتابعت : ولما كان السوق بيكون فيه حاجات كتير الجمهور بيتابع ومنتظر، والحاجات دي كنا مفتقدينها دلوقتي، والحمد لله بدأنا نرجع تاني زي زمان.
سر غيابها
وعن غيابها الفترة الماضية، تابعت : أنا غبت الفترة اللي فاتت فترة طويلة بسبب ظروف عائلية وجالي بنتين وكانوا صغيرين محتاجين مجهود، وكانوا واخدين كل وقتي ومكنتش بعرف أعمل أي حاجة لا بسافر ولا بخرج زي أي أم، لكن لما كبروا بقى عندي حرية أكتر.
وعن المطربين الذي تتمنى تقديم ديو معه ، قالت : ناس كتير طبعاً زي عمرو دياب، بهاء سلطان، وسمعت كل الألبومات اللي نزلت السنة دي، وكلهم حلوين رامي جمال، ورامي صبري وأصالة وآمال ماهر، وطبعاً عمرو دياب وحمزة نمرة وأحمد سعد.
وعن اللحن الذي تحب تقديمه، أضافت : بحب أقدم اللحن الحلو، ومعنديش مشكلة أقدم شعبي أو مهرجانات المهم تكون الجملة حلوة وتليق عليا، وعن عدم خوضها تجربة التمثيل حتى الآن، تابعت : مفيش حاجة متكاملة جاتلي، دايماً لما بيتعرض عليا حاجة بتكون ناقصة، سواء إنتاج أو سيناريو، لكن أنا مستعدة ومنتظرة فرصة حلوة.
تفاصيل ألبوم جنات
ويتضمن ألبوم ألوم على مين لـ جنات 9 أغنيات باللهجة المصرية، وأغنية واحدة فقط باللهجة المغربية، تؤديها جنات كـ ديو مع المطرب المغربي زكريا الغافولي، في خطوة اعتبرها البعض تحية لجذورها ولجمهورها المغربي.
