قصص وحكايات .. شوف فساتين بشرى في كل المهرجانات
تحدثت بشرى عن فساتينها وطريقة اختيارها للتصميمات واللوك الذي تطل من خلاله على جمهورها في المهرجانات الفنية المختلفة، وذلك خلال الحلقة الثانية من برنامج Look Show، الذي تقدمه نهلة طاهر كل يوم اثنين على خبر أبيض Tv، والذي تتناول من خلاله عالم الموضة والأزياء والميكب.
أسرع فستان اخترته
وقالت بشرى عن كواليس إطلالاتها : فستان هاني البحيري في مهرجان الدراما أسرع فستان اخترته في حياتي، وصلت من المطار روحت لـ هاني البحيري، وجابلي فستانين أقيسهم، الأول جه مقاسي بالظبط وسافرت الساحل، وهو عمل تعديل بسيط عليه، وبعتلي الفستان تاني يوم الصبح، وده كان أسرع فستان اخترته ولبسته في حياتي.
وتابعت بشرى : فستان فؤاد سركيس، وده كانت عليه خناقة، الاستايلت سعيد رمزي كان عايزني ألبسه في حفل افتتاح مهرجان الجونة، وأنا كنت عايزة ألبسه في حفلة شارلي شابلن، لأن شكله كان عتيق وقريب من العصر ده، كمان فيه تفاصيل حلوة جدًا، لكن أنا مشيت رأيي في النهاية.
وأضافت : في فساتين بتكون عاملة حِمل، وبتحسي إنك شايلة هم، وأنا مليش خُلق على النوع ده لأني عملية جدًا، كمان في مهرجان الجونة كنت ماسكة منصب إدراي فكان لازم أكون مرتاحة وفي نفس الوقت أنا فنانة ولازم أكون موجودة على الريد كاربت بفستان شكله حلو.
شاهد الفيديو التالي …
وواصلت : كمان فستان المصمم هشام أبو العلا كان من الفساتين المميزة بالنسبة لي، ووقتها الاستايلست سعيد رمزي أصر إن هشام يفصلي الفستان ده مخصوص لأنه ماكنش جاهز، وكان المفروض أظهر بيه في ختام إحدى دورات مهرجان الجونة، أما عن أهم فستان أطلت به والذي أُطلق عليه شمس الشموسة، قالت : ده فستان المصمم مايكل سينكو، وده كان مجهود وسفر من مصر لـ دبي علشان أختار الفستان ونظبطه، وأرجع مصر وأخده معايا أو يشحنوه وكان حوار كبير قوي، وسموه شمس الشموسة علشان شكلي فيه كان شبه الشمس.
شاهد الحلقة كاملة …
عالم الفاشون والموضة
برنامج Look Show يهتم بكل ما يتعلق بالمرأة، منها طريقة العناية بالشعر والحفاظ عليه مع تغير الفصول، كما يدخل عالم مصممين الأزياء والموضة وأحدث الصيحات العالمية وكيف تختار المرأة ما يناسبها بعيدًا عن التريند، كما يقدم نصائح عن الروتين اليومي للعناية بالبشرة، وكيفية الحفاظ على الرشاقة خاصة مع الحمل والولادة وكل المتغيرات التي تطرأ عليها.
