بالفيديو : هشام عاشور يدافع عن فكرة ارتدائه حلق .. إعرف ماذا قال؟
تحدث هشام عاشور لكاميرا خبر أبيض عن ارتدائه الحلق وقال : أنا بعمل اللى أنا حاسه، وده مش حلق ده اسمه شرمبوس وهو للتخسيس وليس شيء أخر، ومش فارق معايا لو حد شايف أنه حلق، لأن دى حاجة بتاعتي.
وتابع : نفسى الناس تشتغل على نفسها وتسيبها من غيرها، نفسى الناس تصحي من النوم الصبح وكل واحد يقف قدام المراية ويسأل نفسه أنا إيه إنجازاتي؟ وكل واحد يشتغل على نفسه بدلا من أنى أشغل بالى بمين عمل إيه؟ لأن الوقت هيعدي واللى أنت بتتريق عليه ده هتلاقيه طلع القمر وأنت واقف محلك سر.
زواجي من نيللي كريم أضرني
وسبق قال هشام عاشور لـ كاميرا خبر أبيض عن حقيقة تصريحه أن زواجه من نيللي كريم ضره أكثر ما نفعه : دي حاجة إحنا بنقولها بشكل هزار لأن أنا واحد دارس في أمريكا واشتغلت هناك، ولو كنت جيت مصر قبل جوازي منها كنت اتشافت بشكل حقيقي لكن الناس فاكرة إن فيه محسوبية وجمايل علشان متجوزين وفي الآخر الممثل حتي لو اشتغل بواسطة وهو مش شاطر هيفشل.
لن أجتمع مع نيللى كريم فى عمل فني
وأضاف : لن أجتمع مع نيللي كريم في عمل فني الفترة المقبلة، وهي مشغولة حاليًا في تصوير مسلسل فراولة، و فيلم برشامة وفيلم هابي بيرزداي.
وتبدأ نيللي خلال الفترة القادمة تصوير فيلم هابي بيرزداي، ويشارك فيه كل من شريف سلامة وحنان يوسف، والعمل تدور أحداثه في إطار اجتماعي تشويقي.
وشاركت نيللي في الموسم الرمضاني الماضي من خلال مسلسل عملة نادرة، والذي ظهرت من خلاله لأول مرة بشخصية صعيدية، وكان من تأليف مدحت العدل وإخراج ماندو العدل، وحقق العمل نجاحًا كبيرًا وقت عرضه، وشارك فيه كل من جمال سليمان، كمال أبو رية، فريدة سيف النصر، أحمد عيد، محمد لطفي، جومانا مراد، ندى موسى، مريم الخشت، وهشام عاشور، فيما شارك علي الطيب كظهور خاص.
شاهد الفيديو التالى …
