بالفيديو .. هشام عاشور : هعمل زوج نيللي كريم في مسلسل روز وليلي وجمال العدل هو اللي رشحني

تحضر نيللى كريم لتجربة درامية جديدة مع يسرا بعنوان روز وليلى، من إنتاج جمال العدل، ويشاركها هشام عاشور في البطولة لأول مرة.

وتحدث عاشور لكاميرا خبر أبيض عن مشاركته في العمل وقال في تصريح خاص : هعمل كاستنج مع مخرج مسلسل روز وليلى، على دور زوج نيللي كريم، ومخرج المسلسل إنجليزي يعني لو شايفني صح في الدور هعمله، وتابع : جمال العدل هو اللي رشحني للمسلسل لكن الحاجات دي مفيش فيها وسايط.

وعن الفيلم الذي سيجمعه مع نيللي كريم الفترة المقبلة، أضاف : مفيش أي حاجة عن الفيلم ده ومش حقيقي، واللي حصل إن واحد صاحبي مخرج عايش في أمريكا كان كاتب سكربت، وكان عايزنا نشوفه ولسه مفيش أي حاجة عنه.

وكانت قد تحدثت نيللي كريم عم مشاركتها في العمل وقالت : تعاقدت على المشاركة في مسلسل روز وليلى، وهو عمل لايت كوميدي، وسيكون مفاجأة للجمهور، وسعيدة بالتعاون مع يسرا خاصة أنها من أهم الفنانات في الوطن العربي، وأشارت إلى أنها في الفترة الحالية تحضر لأكثر من مشروع سوف يتم الإعلان عنه خلال الفترة القادمة.

شاهد الفيديو التالي …