رئيس مجلس الإدارة
أحمد عصام فهمي
رئيس التحربر
عبدالحميد العش

كل النجوم صوت وصورة

فاروق فلوكس يرد على محمد رمضان : مكانش يقدر يتكلم عني كده قبل ما يبقى معاه فلوس ومقبلش أعمل أدواره

محمد رمضان - فاروق فلوكس
محمد رمضان - فاروق فلوكس

رد فاروق فلوكس على تصريحات محمد رمضان الأخيرة، بعد سخريته من تجسيد الأول لشخصية صبي العالمة في فيلم الراقصة والسياسي.



 

وقال فلوكس في تصريح لـ خبر أبيض: أعتقد أنه شافني في الدور وهو صغير، ولكن مكانش يقدر يقول الكلام ده قبل ما يجيله الملايين اللي بيكسبها دلوقتي، وبقا بيتكلم بفلوسه مش بلسانه، وأنا مش زعلان من كلامه.

 

وتابع: زي ما هو ميقبلش يعمل دور صبي عالمة، أنا كمان لا أقبل تجسيد شخصية بلطجي أو واد صايع بسكينة في الشارع، لأن أعماله مسيئة للفن المصري والشباب، وهو دخل في حتة مش بتاعته، لإنه هاجم فريد شوقي، فهل المنطقي كل واحد ياخد كام مليون ييجي يهاجم الكبار ؟

 

وسبق، وهاجم محمد رمضان، فاروق فلوكس، خلال لقائه مع نجوى إبراهيم المذاع على قناة النهار، قائلا: فيه فنان كبير عمل أشياء أرفض أن أفعلها، وكان بيعمل أدوار صبي عالمة ولو هشحت مش هبقى زيه، رغم أن هذا الفنان قدير.

 

ومن ناحية أخرى، يواصل محمد رمضان في الفترة الحالية تصوير مشاهده في فيلم ع الزيرو، والذي يجمعه بنيللي كريم، وجومانا مراد، وشريف دسوقي، من تأليف مدحت العدل، وإخراج ماندو العدل، وإنتاج العدل جروب.

 

ويشارك رمضان في الموسم الرمضاني المقبل 2023 من خلال مسلسل العمدة، من تأليف وإخراج محمد سامي، وتعاقدت مي كساب مؤخرا على المشاركة في بطولته، وتواصل الشركة المنتجة ترشيح باقي الأبطال.