بالفيديو .. هنا الزاهد : اخترعنا مشاهد الرقص فى مسلسل سيب وأنا أسيب ولا أفضل فكرة الجزء الثانى

تصدر مسلسل سيب وأنا أسيب لـ هنا الزاهد وأحمد السعدني، تريند السوشيال ميديا والأكثر مشاهدة عبر منصة شاهد بالتزامن مع عرض حلقاته، وتفاعل معه الجمهور بشكل كبير.

وتحدثت هنا في لقاء مع كاميرا خبر أبيض عن كواليس العمل وقالت : مسلسل سيب وأنا أسيب من أحلى المسلسلات اللي قدمتها، وأنا بحس بالحاجة قبل ما تحصل، فكنت حاسه إن المسلسل هينجح والحمد لله عجب الجمهور، ومبسوطة جدًا بالكيمياء بيني وبين أحمد السعدني خاصة أن الناس متعودة عليه في الدراما لكن دمه خفيف جدًا وكوميديان شاطر.

وعن مشاهد الرقص قالت : يوم مشهد رقص فرح نبيلة الجندي كنا صاحين بقالنا كتير، ورقصت بشكل غير مرتب ومكنتش أعرف أن الرقصة هتطلع كده، لكن الرقصة اللي بعدها في مشهد الخطف مترتبة بشكل معين، وكنت فاكرة إني برقص حلو وطلعت برقص بشكل غريب.

وعن إمكانية وجود جزء ثاني، قالت : لا أميل لفكرة جزء ثاني علشان محبش أكرر العمل، وأحب أدخل في حاجة جديدة.

شاهد الفيديو التالي …