أحمد سعد: اشتغلت نقاش وبياع عيش قبل ما أغني في الأفراح علشان أصرف على نفسي
كشف أحمد سعد خلال حديثه مع برنامج معكم منى الشاذلي، عن المهن التي عمل بها قبل الشهرة، وكيف أثر عمله في سن صغير في تكوين شخصيته بعد دخوله مجال الفن.
وقال أحمد سعد : اشتغلت فى مهن كتير وأنا صغير، كنت بجيب طلبات البيت لأمى، وفى أحد المرات نزلت علشان أشترى عيش وأنا فى الشارع فى ست طلبت منى أجبلها عيش وبعد ما إشتريت لها أعطتنى 5 قروش ففرحت بيها والموضوع لعب فى دماغى، فكنت كل ما أنزل من البيت الناس تطلب منى أجبلها أى حاجة ويدونى فلوس تمن التوصيل، واشتغلت كمان فى مهنة النقاشة، وبياع عيش.
وأضاف : أمي كانت بتشجعني أنا وأخواتي علشان نشتغل في الإجازة، علشان نصرف على نفسنا، ومعيشتش طفولتى وكنت بشتغل بدل اللعب فى الشارع، لأني كنت عايز أثبت نفسى، وكنت بقرأ القرآن والابتهالات الدينية، بعدها غنيت لأم كلثوم وعبدالوهاب.
كليب أغنية تاني
وحقق كليب أغنية تاني لـ أحمد سعد وروبي، الذي طرحه مؤخراً مشاهدات عالية تخطت الـ 15 مليون مشاهدة على يوتيوب، بعد شهر من طرحه ضمن أغنيات ألبوم بيستهبل لـ أحمد سعد.
وأغنية تاني من كلمات فلبينو وتوزيع أحمد طارق يحيى ومكس هاني محروس ومن إخراج أحمد عبد الواحد، وتجمع أحمد سعد وروبي للمرة الثانية بعد أغنية يا ليالي الذي تم طرحها قبل عامين، وحققت أكثر من 104 مليون مشاهدة على يوتيوب.
أحمد سعد يتحدث عن بداياته
وقال أحمد سعد : قعدت 15 سنة أعمل أغانى صعبة على الجمهور ومحدش كان بيجيبنى فى الأفراح، مرة في بداية حياتي، واحد جابني في فرح وصعب عليا جدًا، كنت عايز أقول له ليه تبوظ فرحك؟ ليه جايبني ده أنا كل الأغاني بتاعتي حزينة جدً.
وتابع : حاليا أصبحت من المدرسة الفرفوشة وأستاذ طارق مدكور، قالي زمان أنت بتغني حلو وغني اللي الناس تعرف تغنيه وأكتر وقت ببقي مبسوط فيه وهي الناس بتغني معايا.
