أحمد سعد: هربت من البيت بسبب الفن والدكتور النفسي ساعدني اكتشف نفسي
واصل أحمد سعد حديثه مع برنامج معكم منى الشاذلي، وكشف خلال اللقاء عن تفاصيل في حياته الشخصية، وكواليس دخوله مجال الفن وصدامه مع أسرته.
وقال أحمد سعد : وأنا عندي 14 سنة كنت في خلاف مع أهلي بسبب حبي للفن، واخترت إني أروح أغني في الأفراح وهربت من البيت، ومش بنصح حد يعمل كده، ولو الزمن رجع بيا مكنتش سبت البيت، لكني كنت بدور على ذاتي.
وتابع : في فترة من الفترات كنت عايز أروح لدكتور نفسي، علشان أكتشف شخصيتي، لأني كنت مش مستمتع، ورغم إن عندي كل العوامل اللي المفروض تخليني سعيد، لكن كنت تايه ومش لاقي نفسي، ومكنتش عارف أنا المتدين ولا اللي مش متدين، وكنت بعيش بشخصية مش بتاعتي علشان أرضي الناس.
وأضاف : من خلال العلاج النفسي، اكتشفت ان أكبر عيوبي إني كنت دايما بحاول أرضي الناس على حساب نفسي، وده خلاني أفقد شخصيتي الحقيقية، وكنت فاكر إن ده اللي هيخليني محبوب، لكنه ده خلاني تايه أكتر.
وتابع : بسبب شغلي كان عندي حاجة اسمها حب الظهور، وكنت دايما بحب أكون في الصدارة، أهزر جامد وأكون الجوكر في أي قعدة، لكن ده دخلني في أزمة حقيقية، وخلاني مش قادر أشوف الحاجات الحلوة اللي عندي.
كليب أغنية تاني
وحقق كليب أغنية تاني لـ أحمد سعد وروبي، الذي طرحه مؤخراً مشاهدات عالية تخطت الـ 15 مليون مشاهدة على يوتيوب، بعد شهر من طرحه ضمن أغنيات ألبوم بيستهبل لـ أحمد سعد.
وأغنية تاني من كلمات فلبينو وتوزيع أحمد طارق يحيى ومكس هاني محروس ومن إخراج أحمد عبد الواحد، وتجمع أحمد سعد وروبي للمرة الثانية بعد أغنية يا ليالي الذي تم طرحها قبل عامين، وحققت أكثر من 104 مليون مشاهدة على يوتيوب.
أحمد سعد يتحدث عن بداياته
وقال أحمد سعد : قعدت 15 سنة أعمل أغانى صعبة على الجمهور ومحدش كان بيجيبنى فى الأفراح، مرة في بداية حياتي، واحد جابني في فرح وصعب عليا جدًا، كنت عايز أقول له ليه تبوظ فرحك؟ ليه جايبني ده أنا كل الأغاني بتاعتي حزينة جدً.
وتابع : حاليا أصبحت من المدرسة الفرفوشة وأستاذ طارق مدكور، قالي زمان أنت بتغني حلو وغني اللي الناس تعرف تغنيه وأكتر وقت ببقي مبسوط فيه وهي الناس بتغني معايا.
