بسمة بوسيل : فيلم بيج رامي هينزل آخر الصيف وأخبار رجوعي لتامر غير صحيحة
حلت بسمة بوسيل ضيفة على برنامج أجمد 7 مع جيهان عبدالله عبر إذاعة نجوم إف إم، وتحدثت خلال اللقاء عن تجربتها في التمثيل لأول مرة، كما ردت على شائعات رجوعها لتامر حسني.
وقالت بسمة : حضرت ألبوم غنائي كامل بعد مشاركتي في برنامج المواهب وكنا خلاص هننزل الألبوم، بس لما اتجوزت أنا وتامر قررنا نأجله وبعدين ما نزلش، وأنا بدأت شغل في الفاشون بعد جوازي بسنتين، ومكنتش زعلانة من إني ما غنيتش، وكنت شاطرة في الرسم، لكن مش دي الطريقة اللي بحب أعبر بيها عن نفسي.
أغنية مشاعر
وأضافت : أغنية مشاعر كانت ليا قبل شيرين عبدالوهاب، وتامر هو اللي كان مسؤول عن اختيار أغاني الألبوم بتاعي، وكان مختارلي الأغنية دي، وهو كمان عرفني على الأستاذ الكبير محسن جابر، وكان فيه أغاني تانية في الألبوم، لكن اتوزعت على نجمات كتير وده ضايقني.
حديث بسمة بوسيل عن بيج رامي
وتحدثت بسمة عن تجربتها الأولى في التمثيل من خلال فيلم بيج رامي، وقالت : بحب شغل رامز لأنه مبدع وشغله دايمًا فيه فكرة، والفيلم الجديد الناس هتنبسط بيه، والأحلى إنه مناسب للأسرة كلها، وبشكر رامز إنه آمن بيا ورشحني للدور بعد ما طلعت معاه في برنامج المقالب في رمضان، و الفيلم هينزل آخر الصيف.
وأوضحت طبيعة علاقتها بتامر حسني، وقالت : لو قررنا نرجع، إحنا اللي هنعلن ده، مفيش واحدة بتحب بيتها يتهد، كنت زعلانة في الأول، بس دلوقتي إحنا بقينا أحسن وأولادنا أحسن، ولسه أصحاب، وإحنا الاتنين بنكمل بعض ومفيش بينا أي منافسة، وسمعت ألبومه الأخير قبل ما ينزل.
أبطال فيلم بيج رامي
وانتهى رامز جلال من تصوير المشاهد النهائية بفيلمه الجديد بيج رامي، والتي تشاركه في بطولته بسمة بوسيل، في أول تجربة لها في مجال التمثيل، استعدادًا لعرضه خلال الفترة المقبلة.
تفاصيل فيلم بيج رامي
ويضم العمل في بطولته بسمة بوسيل، التي تخوض تجربة التمثيل لأول مرة وتعيش قصة حب مع رامز خلال الأحداث، بجانب كل من محمد أنور، محمد عبدالرحمن، نسرين أمين، محمود حافظ، هدى الإتربي، تأليف فاروق هاشم ومصطفى عمر، وإخراج محمود كريم، وإنتاج وليد صبرى.
