وائل جسار عن زواج ابنته بدون علمه وهروبها من المنزل : إشاعة هايفة
تحدث وائل جسار، عن شائعة زواج ابنته مارلين بدون علمه من نجل المطرب راغب علامة وهروبها من المنزل، وذلك خلال مداخلة هاتفية لبرنامج تفاصيل التي تقدمه نهال طايل عبر قناة صدى البلد.
حقيقة ابنه وائل جسار
وقال وائل جسار : الحمد لله بنتي موجودة معايا هي وأخوها ومامتهم وفي أحسن حال ولسه صغيرة علشان تفكر في الجواز وهي في سنة تانية جامعة وبتدرس سيكولوجي، ومش بتفكر إنها تتجوز دلوقتي حتى لو 1 % رغم إن دي سنة الحياة، لكن لما تكبر هتتجوز وهنكون جنبها.
وتابع : أنا مش ضد أنها تحب وتتحب، لكن الإشاعات الهايفة دي بتطلع على فنانين معينين ومعرفش ده حسد ولا غيرة، وتواصلت اليوم مع راغب علامة وتحدثنا عن شائعة زواج ابنتي من نجله خالد وضحكنا عندما سمعنا، لأن احنا عارفين مربيين ولادنا إزاي وفي حاجات العقل مش ممكن يصدقها، والناس أحياناً بتكذب الكذبة وبتصدقها مش فاهم ليه بيعملوا كده.
رسالة وائل جسار لـ فضل شاكر
كما وجه رسالة لـ فضل شاكر، قائلًا : محدش رافض رجوع فضل شاكر وهو قامة فنية كبيرة أوي، واللي بيحصل معاه صعب جدا على جمهوره، ومن جهتي بقوله سلم نفسك وبإذن الله تاخد براءة، لأنك انسان متقدرش تؤذي نملة وهتطلع راسك مرفوعة وترجع لناسك ومحبينك اللي أنا واحد منهم.
نجاح أغنية كل وعد لـ وائل جسار
يُذكر أن وائل جسار حقق نجاحاً كبيرًا في العام الماضي بأكثر من أغنية، أبرزها أغنية كل وعد، التي تخطت 179 مليون مشاهدة على يوتيوب، وطرحها وائل على طريقة الفيديو في احتفالات عيد الحب الماضي.
وأغنية كل وعد جاءت على طريقة الفيديو كليب، والذي شهد ظهور استثنائي لزوجة وائل جسار، والأغنية من كلمات رفيق نجيب، ألحان أحمد زعيم، توزيع ومكساج وماستر وسام عبدالمنعم، جيتار أحمد حسين، وتريات حسن سعيد، وإخراج الفيديو كليب لـ نور سالم.
كما طرح وائل جسار أيضًا، أغنية 100 إحساس جديد، وهي من نوعية الأغاني الرومانسية، ومن كلمات هاني صارو، ألحان أحمد زعيم، توزيع موسيقي ومكساج أحمد عبدالسلام، ومن إنتاج شركة فايرال ويف.
