نصائح للمحافظة على بشرتك في شتاء 2024
قدمت نهلة طاهر نصائح جديدة ومميزة للمرأة المصرية والعربية للحفاظ على بشرتها والعناية بها خاصة في موسم الشتاء، وذلك خلال الحلقة الثانية من برنامج Look Show، الذي يعرض كل يوم اثنين على خبر أبيض Tv، والذي تتناول من خلاله عالم الموضة والأزياء والميكب.
وقالت نهلة طاهر : علشان تحافظي على بشرتك من الجفاف لازم تشربي في الشتاء كمية أكبر من المياه عن اللي بتشربيها في الوقت العادي، وعلى الأقل تشربي 3 لتر مياه في اليوم، وكمان متستخدميش مياه سخنة عليها لكن ممكن مياه دافية عادي، كمان لازم تستخدمي كريم مرطب مناسب لبشرتك بالصبح وبالليل.
الوصفات الطبيعية
وتابعت : بالنسبة للوصفات الطبيعية اللي لازم نستخدمها يومياً علشان نحافظ على بشرتنا أهم حاجة فيها العسل، ممكن تعملي منه ماسك ونخليه على بشرتنا من 15 لـ 20 دقيقة ونغسل وشنا بعده بمياه دافيه، وكمان جيل الصبار مفيد جداً، ومن الحاجات الطبيعية المفيدة جداً زيت جوز الهند وده موجود في معظم الأماكن، كمان منقدرش ننسى زيت الزيتون وإحنا بنتكلم عن ترطيب البشرة وده بيعمل ترطيب كويس جداً ليها وبيساعد على ترطيبها طول فترة الشتاء لو واظبنا عليه كل يوم.
وأضافت : كمان من أهم الماسكات اللي بتحافظ على نضارة البشرة النشا ومية الورد، وبنستخدم الماسك ده لمدة 20 دقيقة، وكمان مننساش ماسك الزبادي والموز، وماسك الأفوكادو، وماسك اللبن والخيار.
شاهد الفيديو التالي …
عالم الفاشون والموضة
ويهتم برنامج Look Show بكل ما يتعلق بالمرأة، منها طريقة العناية بالشعر والحفاظ عليه مع تغير الفصول، كما يدخل عالم مصممين الأزياء والموضة وأحدث الصيحات العالمية وكيف تختار المرأة ما يناسبها بعيدًا عن التريند، كما يقدم نصائح عن الروتين اليومي للعناية بالبشرة، وكيفية الحفاظ على الرشاقة خاصة مع الحمل والولادة وكل المتغيرات التي تطرأ عليها.
شاهد الحلقة كاملة …
ويتناول البرنامج تجارب النجوم والمشاهير ونصائحهم للحفاظ على رشاقتهم ومظهرهم، خاصة مع الظهور المتواصل واليومي لهم سواء في لوكيشن التصوير أو البرامج التي يطلون من خلالها على جمهورهم، وكذلك كيف يختارون ملابسهم وما يتناسب معهم بدون تقليد.
