بالفيديو .. حماده هلال : مشايخ كتير قالوا لى إنت محسود وبحصن نفسى بذكر الله

حقق حماده هلال نجاح كبير من خلال شخصية صابر المداح، التي قدمها على مدار 3 أجزاء من العمل، وقرر صناع العمل الفترة الماضية بدء التحضير للجزء الرابع من المسلسل للعرض في رمضان 2024.

كاميرا خبر أبيض التقت بحماده هلال وتحدث عن طريقة تحضيره للعمل والشخصية التي يقدمها، وقال : قابلت زمان مشايخ وناس محترمين، وفي ناس تانية واخدينها تجارة، لكن أنا اكتشفت إني ممكن أتعلم بطريقة تانية خالص، وفي ناس منهم قالولي خلي بالك إنت محسود، وأنا لما بسمع الكلام ده مش بركز معاه بصراحة.

وعن كيفية تحصين نفسه من المشاهد الصعبة في المداح أضاف : مفيش أحلى من كلام ربنا سبحانه وتعالى، ذكر الله وسورة البقرة وقراءة القرآن، وبعمل اللي عليا ويحصل اللي يحصل.

مسلسل المداح 3، بطولة حماده هلال، هبة مجدي، يسرا اللوزي، خالد سرحان، أحمد ماهر، سلمى أبو ضيف، من تأليف أمين جمال، ووليد أبو المجد، وإخراج أحمد سمير فرج، ودارت أحداثه في إطار اجتماعي تشويقي يعتمد على الروحانيات حيث يخوض صابر المداح العديد من الأزمات مع الجن.

شاهد الفيديو التالى …