بالفيديو .. حماده هلال يحكى عن أجمد مقلب دبره له أحمد سعد

تربط حماده هلال علاقة قوية بعدد كبير من النجوم والمطربين في الوسط الفني، كاميرا خبر أبيض التقت به، وتحدث عن علاقته بـ أحمد سعد، وقال في تصريح خاص : أحمد صاحبنا ومفيش حد مش بيحبه، اجتهد سنين كتير.

وأضاف : لكن مقالبه صعبة جدًا، وعمل فيّ حركة مش قادر أنساها، ومرة قالي في ولد بيحبك جدًا هيموت ويشوفك، وللأسف الفترة الأخيرة مش بيقوم من على السرير، وآخر طلب ليه أنه يشوفك.

وتابع : روحنا منطقة شعبية وأنا بعشق الأماكن دي، عدينا على كل الناس وسلمنا عليهم، وطلعنا عمارة للدور التامن، وكنا بنقف في كل دور نسلم على الناس، ولما وصلنا فوق بقوله فين الولد، قالى أصبر هو جاي دلوقتي، قولتي جاي إزاي مش أنت قولت هو مش بيتحرك، فجاة الولد جه يجري قال عمو أحمد عمو حماده، قولته هو ده اللي تعبان، قالى ربنا فوقه.

وحقق حماده هلال في موسم رمضان 2023 نجاحًا كبيرًا من خلال تقديمه الجزء الثالث من مسلسل المداح، والذي شارك فيه هبة مجدي، خالد سرحان، حنان سليمان، والعديد من ضيوف الشرف منهم خالد زكي، محمد رياض، يسرا اللوزي، خالد سرحان، دنيا عبدالعزيز، سلمى أبو ضيف، عبدالعزيز مخيون، ومن تأليف أمين جمال ووليد أبو المجد وشريف يسري، وإخراج أحمد سمير فرج.

شاهد الفيديو التالى …