مايان السيد تنشر صورتها مع ميريام البطلة الحقيقية لحكاية حلم حياتي من مسلسل إلا أنا
شاركت مايان السيد جمهورها، عبر حسابها الشخصي بموقع إنستجرام عبر خاصية الستوري، حيث نشرت صور وفيديوهات تجمعها بالبطلة الحقيقية لحكاية حلم حياتي، من مسلسل إلا أنا.
وظهرت ميريام في فيديو وقالت : أنا مبسوطة أوي، مايان كانت بتمثل زيي وبتضحك زيي، وظهرت مايان وميريام في مجموعة من الصور وهما ترقصان وتحتفلان بنجاح حكاية حلم حياتي، وعلقت مايان علي الصور : شكرا لأحلي وأطيب قلوب موجودة علي الأرض، انتوا أحلي حاجة في الدنيا، وأضافت : أنا أسعد واحدة في العالم إني قابلتكوا، وإتعرفت عليكوا.
وسبق وكشفت مايان من قبل، خلال مداخلة هاتفية لبرنامج السفيرة عزيزة، عن رأيها في ميريام وفي تجربتها خلال المسلسل وقالت : ميريام بنت ذكية جدا، ولذيذة أوي، عندها مواهب كتير، بتحب التمثيل، وبتغني، وصوتها رائع، كمان بتقلد المطربين اللي بتحبهم، عندها صعوبة في التواصل البصري، وقريبة جدا من أهلها، إجتماعية جدا أول ما شافتني حضنتني وبقت تتكلم معايا، ساعات مش بتفهم حاجات، بس مامتها بتفهمها، نفس تفاصيل خديجة بالظبط.
وأضافت عن تجربتها : وافقت علي الدور علشان أنا بحب أعمل الحاجات الصعبة اللي فيها مخاطرة وتحدي، علشان بتطلع مني حاجة أنا ماعرفهاش، وعرفت كتير عن التوحد وأنواعه، وسعيدة إن الدور ناقش قضية مهمة وهي التنمر، ووصل للناس بإحساس وتفاصيل.
