ريهام حجاج بعد الهجوم عليها بسبب شخصية الصعيدي : زينب بنت وماتنكرتش في دور ولد

اشتعلت وسائل التواصل الاجتماعي طوال الساعات الماضية، حول مشهد تنكر ريهام حجاج في مسلسل وكل ما نفترق، وظهورها - كما نشر المتابعون - في دور رجل صعيدي، وانهالت حملات السخرية ضدها.

إلا إن ريهام حجاج حسمت الجدل وكشفت عن مفاجأة عبر حسابها الرسمي على موقع انستجرام، حيث نشرت ستوري وكتبت : هي الناس اللي بتقول إن شخصية زينب ولد صعيدي بـ قُصة .. بتخترعوا ليه يعني لو اللي بيتكلم مجنون فالمستمع عاقل، إزاي هعمل دور راجل؟، الشخصية اسمها زينب يعني بنت، وأول ظهور ليها كان في الحلقة الأولى يعني مش مفاجأة، وطبيعي لو بنت شعرها كدة، ولبست عمة هيطلعلها قُصة.

واستكملت : ومش لازم يبقى شعرها كيرلي زي شخصية مأمونة، البنات الصعايدة قمرات، زينب ماتنكرتش، معملتش نفسها راجل.

ويأتي ذلك كأول رد من ريهام على الحملة التي تعرضت لها .. ومسلسل وكل ما نفترق قصة محمد أمين راضي وسيناريو و حوار ياسر عبدالمجيد وأحمد وائل وإنتاج طارق الجناينى، ويضم عدد كبير من النجوم إلى جانب ريهام حجاج أبرزهم عمرو عبدالجليل، رانيا يوسف، أحمد فهمى، محمد الشرنوبى، سيد رجب، سلوى خطاب، محمد جمعة، أيتن عامر.