تيام مصطفى قمر لـ منى الشاذلي : والدي كان عايز يطلع لعيب كورة

حل اليوم الخميس مصطفى قمر ونجله تيام، ضيوفاً على الإعلامية منى الشاذلي، في برنامجها معكم، المذاع عبر قناة CBC، وتعد هذه المرة الأولى التي يظهر فيها مصطفى ونجله معاً على شاشة التليفزيون.

وسألت منى الشاذلي مصطفى عن سبب تسمية نجله بـ تيام فرد مازحاً : سميته على اسم بتاع بيتزا شامي، ليعلق تيام : أنا بسمع الكلام ده لأول مرة.

وعن فترة المدرسة علق تيام : والدي كان حنين ولما كان بيشوف إنى مش عايز أروح المدرسة لأنى مش قادر، ماكنش بيعترض.

وتابع تيام عن شىء لا يعرفه والده عنه وقال : وأنا في الثانوية زوغت من المدرسة وذهبت للسينما لكي أشاهد فيلم واحد صعيدي لمحمد رمضان، ليعلق مصطفى قمر : أنا زعلان منك عشان كنت عايز أدخل معاك الفيلم.

وكشف قمر لمنى الشاذلي عن رغبته في دخول نجله كلية هندسة، ولكن علق تيام قائلاً : من زمان وأنا ميال للفن ولا أجيد الغناء، وبالفعل دخلت كلية هندسة 24 ساعة فقط، ولكن وإحنا ماشيين لقينا 3 طلاب نايمين في الأرض ولما سألناهم نايمين ليه؟ اكتشفنا أنه من تعب وإرهاق الدراسة، واكتشفنا أنهم في كلية هندسة فقررت إني مش هادخل هندسة، واتجهت بعد ذلك لدراسة المسرح في الجامعة الأمريكية.

وعن فترة الدراسة في حياة مصطفى قمر، كشف تيام أن والده كان يرغب أن يصبح لاعب كرة قدم، وهو ما أكده مصطفى قمر وقال : وكنت عايز أبقى مهندس كمان وجبت مجموع يدخلني هندسة أقاليم بس والدي مرضيش فدخلت تجارة.

وبخصوص سبب نجاح تيام في الأعمال الفنية علق مصطفى قمر : تيام عنده كاريزما من صغره، وأرى أنه كوميديان رهيب.