آمال ماهر : وارد تشوفوني بالفستان الأبيض ومعنديش مواصفات فى اللى بحبه
حلت آمال ماهر ضيفة على برنامج أجمد 7 مع الإعلامية جيهان عبدالله عبر إذاعة نجوم إف إم، وتحدثت خلال اللقاء عن مواصفات فتي أحلامها.
مواصفات فتى أحلام آمال ماهر
وقالت آمال ماهر: معنديش مواصفات فتي أحلام واللي ربنا يجيبه كويس، وبدعي ربنا أنه يرزقني بإنسان يتقي ربنا فيا، والراجل اللي عنده ثقة هيتمنى أن الإنسانة اللي معاه تبقي ناجحة.
وتابعت : أي علاقة بيبقي فيها تنازلات، المهم متأثرش على حياتي بل بالعكس لازم تضيف ليا، ولو حد قالي متغنيش مش هوافق.
كما كشفت عن رأيها في الجدل المصاحب للقب صوت مصر، وقالت : مش بحب أتكلم في موضوع الألقاب، لأن ممكن أكون رقم واحد عند شخص، وابقى ولا حاجة عند شخص تاني، والناس هي اللي بتقيم وتحطنا في المكان اللي عايزين يحطونا فيه، وأنا بحب اسمي جدًا، والحمد لله إن الناس حباه وعارفاه، ودي حاجة بتشرفني.
تفاصيل ألبوم آمال ماهر الجديد
وطرحت آمال ماهر، أمس الأحد 20 يوليو، ألبومها الجديد حاجة غير، وذلك بعد أن بدأت الترويج له بطرح أغنية خبر عاجل يوم الثلاثاء الماضي، وحققت 250 ألف مشاهدة على يوتيوب.
وتتعاون آمال ماهر في ألبومها الجديد مع مجموعة كبيرة من الشعراء والملحنين والموزعين، والألبوم مكون من 10 أغاني، منها لو لينا عمر من كلمات نادر عبد الله، ألحان محمدي، توزيع مادي، وأغنية يا جبروتك كلمات عليم، ألحان إسلام رفعت، توزيع إلهامي دهيمة.
وأغنية عقدة حياته، كلمات نادر عبد الله، ألحان أحمد زعيم، توزيع عمرو عبد الفتاح، وأغنية حاجة غير، كلمات نادر عبد الله، ألحان أحمد زعيم، توزيع أحمد أمين، وأغنية مضمونة، كلمات أحمد المالكي، ألحان مدين، توزيع يحيى يوسف، وأخيرًا أغنية اتراضيت كلمات أحمد المالكي، ألحان عمرو الشاذلي، توزيع عمرو الخضري.
آخر حفلات آمال ماهر
وأحيت آمال ماهر، خلال الأسابيع الماضية، حفلًا غنائيًا بالساحل الشمالي ضمن حفلات الصيف، وقدمت عددًا كبيرًا من أغانيها، منها : سكة السلامة، عندي صاحبة، اتقي ربنا، ياما عز عليا بعادك، وبداية بدايتك.
وعلى هامش الحفل تحدثت آمال ماهر عن ألبومها الجديد، قائلة : الألبوم هو حاجة غير بالنسبة لي، من حيث اختيار الكلمات والألحان والتوزيع، وهو من الألبومات اللي بذلت فيها جهد كبير.
وردت على شائعات زفافها بعد ظهورها بفستان أبيض، وقالت : الصورة من كليب خبر عاجل ونزلناها كترويج للألبوم، وأول مرة ألبس فستان فرح، ملبستوش قبل كده وده نصيب، ولقينا تفاعل كبير من الجمهور اللي أنا بحترمه وبشكره على دعمه.
