بالفيديو .. مايان السيد : قابلت دنيا سمير غانم لأول مرة أثناء عرض مسرحيتها أنستونا وقلت لها مبروك يا زلابيا

بدأت دنيا سمير غانم عرض مسرحيتها أنستونا، أكتوبر الماضي، وحققت نجاحاً كبيراً ونفذت تذاكرها بالكامل فور طرحها، وحازت على إشادة الجمهور والنقاد والنجوم الذين حرصوا على مشاهدتها.

وإلتقت كاميرا خبر أبيض مع مايان السيد، للحديث عن لقائها مع دنيا، وقالت في تصريح خاص : فنانة شاملة عندها كل المميزات، كانت أول مرة نتقابل في مسرحية أنستونا.

وتابعت : بحب دنيا سمير غانم جدًا، وشايفاها من أهم الممثلات في مصر، وبتعمل أدوار مختلفة وبتغني وبتقدم استعراض، وأنا وصحابي في الجامعة أول ما عرفنا إن في مسرحية بتتعمل حجزنا وروحنا وكنا جروب كبير، ودي حاجة مهمة إننا نتفرج عليها لأنها من إخراج خالد جلال.

وأضافت : بعد ما المسرحية خلصت أنا كنت عايزة أسلم عليها وأباركلها، وفعلًا سلمت عليها، وكانت أول مرة نتقابل وكنت مبسوطة جدًا، وقولتلها إنها كانت تحفة والأداء يجنن، وقولتلها كمان مبروك يا زلابيا، لأنها في المسرحية اسمها زلابيا.

شاهد الفيديو التالي …