رئيس مجلس الإدارة
أحمد عصام فهمي
رئيس التحربر
عبدالحميد العش

كل النجوم صوت وصورة

بعد أزمة حلا شيحة .. كليب تامر حسني بحبك يقترب من 5 ملايين مشاهدة في 72 ساعة

تامر حسني
تامر حسني

لليوم الربع علي التوالي حقق كليب بحبك لتامر حسني، أعلي المشاهدات علي موقع يوتيوب، حيث اقترب من 5 ملايين مشاهدة.



 

وكانت مشاهدات الكليب قد زادت بصورة كبيرة بعد أزمة البوست الذى نشرته حلا شيحة، وقالت فيه :  أنا اتفاجئت جدًا بنزول كليب يجمع فيه مشاهد متفرقة من الفيلم، وفي أيام ذي الحجة، أيام مباركة وخصوصًا بعد آخر بوست نزلته ووضحت فيه أنا إيه، واتفاجئت أكتر خصوصًا بعد وعد تامر حسني ليا وتأكيده إنه حيحترم رغبتي و بعض الطلبات اللي طلبتها منه بكل احترام وود الصيف اللي فات وأكد لي إنه حيحترم رغبتي.

 

وبعد نشر البوست بساعات رد تامر حسنى :  أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد و أخلف الحقيقه اني إحترمت  كلامي معاكي  ووعدتك أشيل مشاهد تانيه طلبتيها و شيلتها بالفعل، وشكرتيني عليها ولو حابة تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف، أو كلميه يبعتهالك كلها موجودة، و بعدين الفيلم بقاله ٣ اسابيع في السينمات و الكليب موجود جوه الفيلم، هو بالنسبة لك الحرام  إننا ننزل الكليب على اليوتيوب بس إنما الكليب يتشاف جوه السينمات عادي ؟

 

ويتضمن كليب الأغنية مشاهد رومانسية تجمع بطلي فيلم مش أنا، تامر حسنى وحلا شيحة، وقد طُرح الفيلم للعرض منذ نحو 3 أسابيع وحقق إيرادات قياسية فى مصر وخارجها.