ياسين السقا : ما بحبش أشوف أعمالي لأني بانتقد نفسي طول الوقت
حل ياسين السقا ضيفًا على برنامج عيشها بانرجي، المذاع على إذاعة 92.1، وتحدث خلال اللقاء عن الانتقادات التي تعرض لها بعد مشاركته في مسلسل سيد الناس، ورد على اتهامات عمله بالواسطة.
ياسين السقا يرد على انتقادات سيد الناس
وقال ياسين السقا : مش بقول إنهم انتقدوني عشان أنا ابن أحمد السقا، لكن الانتقادات والميمز كانت على المسلسل كله، وده معناه إن العمل متشاف، الموضوع كان مبالغ فيه شوية، وبعضها كان من لجان، فقررت أتجاهل، مضيفًا : أنا ما بحبش أشوف أعمالي ولا حتى أشوف نفسي، لأني بانتقد نفسي بشكل متكرر.
وتابع : كوني ابن أحمد السقا فادني في حاجات كتير، وأني أخد خطوة والمنتجين يوافقوا عليا ده طبيعي لأن الموضوع بيبيع، لكن هتلاقي دايماً فيه نسبة بتقول إنه واسطة، ومهما حققت نجاح هيبقى فيه شك، أنا باخد من الجمهور الحاجات اللي لازم آخدها وبركز مع نفسي.
ووجه ياسين السقا رسالة للجمهور، قائلاً : احنا كلنا بني آدمين، ومهما كنت أنا ابن مين راعوا مشاعر الناس، علشان أكيد ابن حد تاني هيطلع يمثل أو يخرج، ربنا كبير وبلاش نستغل أي حاجة ليها علاقة بالناس علشان ندوس عليهم، بالعكس نرفعهم لفوق علشان ربنا يرفعنا كلنا.
تفاصيل مسلسل سيد الناس
مسلسل سيد الناس، من نوعية الأعمال الاجتماعية الشعبية، ويظهر عمرو سعد خلاله بشخصية المعلم جارحي، الذى يخرج من السجن في الحلقة الأولى، ويسعى للانتقام من أعدائه وكل من غدر به، فيما يقدم أحمد زاهر شخصية الجباس وهو عدو عمرو ضمن الأحداث.
أبطال مسلسل سيد الناس
والعمل مكون من 30 حلقة، بطولة عمرو سعد، أحمد زاهر، أحمد رزق، ريم مصطفى، بشرى، إلهام شاهين، إنجي المقدم، خالد الصاوي، نشوى مصطفى، أحمد فهيم، رنا رئيس، ملك زاهر، منة فضالي، محمود قابيل، طارق النهري، جوري بكر، ياسين السقا، إسماعيل فرغلي، مصطفى عماد، أحمد عبدالله، مؤمن نور، أسما سليمان، عليا صبحي، محمد عبدالجواد، ومحمد غنيم، والمسلسل من تأليف الكاتب الصحفي خالد صلاح والمخرج محمد سامي والإخراج لـ سامي أيضًا، ومن إنتاج صادق الصباح.
