دنيا سمير غانم : خايفة من تجربة فوازير رمضان وكايلا ورثت الموهبة من بابا وماما
حلت دنيا سمير غانم ضيفة على قناة الظفرة، وذلك على هامش افتتاح فيلمها الجديد روكي الغلابة، في دبي، وتحدثت عن تجربتها في الفيلم وكواليس العمل، كما تحدثت عن ابنتها كايلا وشقيقتها إيمي.
وقالت دنيا سمير غانم : أتمنى فيلم روكي الغلابة يعجب جمهوري في كل أنحاء الوطن العربي، وهو فيلم للعيلة كلها، وبقدم فيه دور جديد عليا خالص، خاصة إني مقدمتش قبل كده أكشن كوميدي في حاجة طويلة، واتمرنت كتير جداً على مشاهد الأكشن، وكان مطلوب منى أحفظ حركات كتير جداً.
أكشن لأول مرة
وتابعت : صعوبة مشاهد الأكشن إني ملعبتش أي لعبة عنيفة قبل كده خالص، وأنا كنت واخدة الفيلم تحدي، وعن ارتباط الجمهور بفيديوهات ابنتها كايلا على السوشيال ميديا، أضافت : الجيل ده دايماً في سن معين تلقاه بيهتم بحاجة معينة، بيحب يتفرج على الفوازير ويسمع الأغاني ويرقص، وهما بالنسبة ليهم الموضوع أكبر مننا بسبب السوشيال ميديا، وبيتفرجوا على رقصات وثقافات مختلفة علشان كده تلاقي الحتة الفنية عندهم أكتر، ومتعودين يكلموا الكاميرا، وإحنا مكانش عندنا الموضوع ده.
وعن سبب تعلق كايلا بالفن : هي حضرت بابا وماما شوية، علشان كده بتحيب التمثيل والغناء، وواخدة الموهبة مننا كلنا مني ومن بابا وماما ورامي وإيمي، وبحب فيديوهاتها على تيك توك.
تعاون جديد مع إيمي
وعن تعاونها مع إيمي في مسلسل جديد بعد نيللي وشريهان، قالت : نفسنا والله وبنحاول نعمل حاجة جديدة، وبتمنى نقدم حاجة جديدة، ولسه محددتش هقدم إيه في رمضان، لأني لما بعمل حاجة بحضر لها بكل طاقتي، ولسه مفكرتش هعمل حاجة لرمضان ولا فيلم بعد رمضان.
وعن إمكانية تقديمها لفوازير رمضان، تابعت : الفوزاير من الحاجات اللي فيها تحدي كبير جداً، ورغم إني بفكر فيها لكني خايفة من التجربة دي لأنها مش سهلة.
تفاصيل فيلم روكي الغلابة
وتظهر دنيا سمير غانم خلال الفيلم بشخصية فتاة فلاحة تمارس الملاكمة وهي البودي الجارد الخاص بـ محمد ممدوح، الذي يعمل طبيب، ويستعين بها لتعلمه الملاكمة لأنه يتلقي تهديدات من عدة أشخاص، ويظهر بالفيلم أيضًا مجموعة من ضيوف الشرف منهم أحمد الفيشاوي، وإيمي سمير غانم، وكايلا رامي رضوان ابنه دنيا سمير غانم، وأحمد سعد، وأوس أوس.
أبطال روكي الغلابة
الفيلم من بطولة دنيا سمير غانم، محمد ممدوح، محمد ثروت، محمد رضوان، وسلوى عثمان، إلى جانب عدد من ضيوف الشرف، تأليف كريم يوسف وإخراج أحمد الجندي وإنتاج محمد أحمد السبكي.
