رامي جمال : عمرو دياب مش أسطورة من فراغ وأنا مش من جيله علشان أتقارن بيه
حل رامي جمال ضيفًا على برنامج أجمد 7 مع الإعلامية جيهان عبدالله عبر إذاعة نجوم إف إم، وتحدث خلال اللقاء عن سر استمرار الهضبة عمرو دياب على القمة.
حديث رامي جمال عن عمرو دياب
وقال رامي : عمرو دياب مش أسطورة من فراغ، واحترامه لفكرة إنه رقم واحد مش بيشبع عنده، ودايمًا بيحاول يطور ويجدد، وهيفضل شغال لحد ما هو نفسه يزهق.
وعن طرح ألبومه في نفس وقت ألبوم عمرو دياب، قال : أنا مش بقدم نفس ذوق المزيكا اللي بيقدمها عمرو، وأنا مش من جيله علشان أتقارن بيه، وشرف ليا إن الهضبة ياخد مني التريند، وأنا في الأساس من جمهوره، وبحترم جدًا إنه صاحب الشغلانة دي.
وتحدث رامي أيضًا عن طموحاته، قائلًا : نفسي اسمي يبقى براند زي أنغام، وفضل شاكر، وجورج وسوف، مش عايز أبقى رقم، لكن عايز يكون ليا اسم له قيمة فنية مختلفة.
ألبوم رامي جمال الجديد
وطرح رامي جمال يوم 1 يوليو، ألبومه الجديد والذي يحمل عنوان محسبتهاش، والألبوم يضم 15 أغنية، منها : تطلب حنية، محسبتهاش، يا جمالك، كأنه مجاش، مش لاقيكى، غبت ليه ، مالى بس، ماطلعتش جدع، كلام عيب يتحكي، بعدك أذاني، روحى عليك بتنادى، تيجى نرجع، قبلت التحدى، زى الخطاف، وهات حضن.
تفاصيل ألبوم ابتدينا
أما عمرو دياب فقد طرح خلال الأيام الماضية، ألبومه الجديد ابتدينا، مكون من 15 أغنية وهم : خطفوني، هلونهم، يالا، ماليش بديل، دايماً فاكر، ابتدينا، يا بخته، إشارات، خبر أبيض، ماتقلقش، يالا، قفلتي اللعبة، بابا، حبيبتي ملاك، شايف قمر، وارجعلها.
تفاصيل ألبوم عمرو دياب الجديد
ولحن الهضبة لنفسه أغنيتين جديدتين خلال الألبوم وهما حبيبتي ملاك، كلمات أمير طعيمة وألحان عمرو دياب وأحمد إبراهيم، وأغنية ارجعلها كلمات بهاء الدين محمد، فيما شارك أبنائه جنى وعبدالله في كتابة أغنيتي خطفوني ويالا.
وغني الهضبة لأول مرة فى ألبومه الجديد من كلمات الشاعرة منة عدلي القيعي، التي تتعاون معه في أغنية يا بخته من ألحان عزيز الشافعي الذي لحن له 3 أغنيات بالألبوم وهم يالا، ويا بخته، وماتقلقش الذي شارك أيضًا في كتابة كلماتها، أما عمرو مصطفى فلحن له أغنيتي خطفوني وابتدينا التي تحمل اسم الألبوم، فيما لحن له محمد يحيى 5 أغنيات : إشارات، شايف القمر، بابا، خبر أبيض، وقفلتي اللعبة.
