بالفيديو : رصيده أكثر من 50 عمل فني .. إعرف رأي محمد عبدالعظيم في نجوم تعامل معهم

قدم محمد عبدالعظيم عدد كبير من الأعمال الفنية على مدار تاريخه الفني، الذي بدأ في التسعينات، وصل عددها لأكثر من 50 عمل متنوع، وتعاون خلالها مع عدد كبير من النجوم الذين تربطه بهم علاقة قوية.

كاميرا خبر أبيض التقت به، وكشف عن رأيه في عدد من النجوم، وقال في تصريح خاص : منى زكي ممثلة موهوبة ومحترفة، وتقدر قيمة زمايلها، أما كريم عبدالعزيز فهو صاحب أخلاق وفنان راقي، وأحمد عز دمه خفيف في الكواليس وطول الوقت بيهزر وبيغني حاجات كتير بصوت رائع لنجوم كبار زي أم كلثوم وفيروز ونجاة.

وأضاف : نيللي كريم تحس إنها أختك أو بنتك من كتر ما بتملى اللوكيشن بالروح الحلوة، وبتحب زمايلها قوي ومتواضعة، والأستاذ يحيى الفخراني اتعلمت منه حاجات كتير جداً اتعلمت من التزامه ومن طريقته وتحضيره للمشهد قبل ما يشتغل ببساطة وبتركيز ومن غير تكبير للمسائل، وكانت نصايحه لينا وإحنا مبتدئين إننا نشتغل على موهبتنا دايمًا ونبقى ملتزمين وهو بسيط وجميل.

وتابع : محمد رمضان أنا شايف انه موهبة كبيرة، واشتغلت معاه وهو ممثل محترف وهو بيقدر زمايله وبيحترم اللي أكبر منه، وبيسمع النصايح علشان كده هو مميز، أما عمرو سعد شاطر قوي وفي بينا كيميا هايلة في الشغل.

شاهد الفيديو التالي ...