بالفيديو .. أوس أوس : عملنا فيلم مستر إكس علشان خاطر الرجالة المقهورين فى بيوتهم

استقرت الشركة المنتجة لفيلم مستر إكس، على عرض العمل في موسم عيد الأضحى، وقال أوس أوس في تصريح خاص لكاميرا خبر أبيض : مستر إكس فيلم كبير، عاملين فيه فريق بيحل مشاكل الرجالة المقهورين من زوجاتهم، وأحمد فهمي من الناس القريبين مني، واشتغلنا أكثر من عمل وكيمتنا كويسة مع بعض.

وتابع : أنا بعمل شخصية جابي، وهو في الفريق اللي بيحل مشاكل الرجالة المقهورة من زوجاتهم، وأنا العنصر المتخلف في الفريق ده، وبيبوظ الخطة اللي بنعملها، والفيلم فيه ضيوف ومفاجآت كتير.

وعن المنافسة القوية في موسم عيد الأضحى قال : المنافسة أصعب لو أنا ضعيف، وطالما احنا عملنا اللي علينا يبقى ننزل في أي منافسة، وإحساسي الشخصي إن الفيلم هايسيب علامة في السينما.

مستر إكس بطولة أحمد فهمي، هنا الزاهد، أوس أوس، محمد أنور، رحاب الجمل، ومحمود حافظ، مع عدد كبير من ضيوف الشرف منهم عمرو يوسف، أكرم حسني، مي عمر، مصطفى خاطر، فرح الزاهد، وأمير شاهين، من تأليف وإخراج أحمد عبدالوهاب، وإنتاج أحمد السبكي. 

شاهد الفيديو التالي …