بالفيديو .. رسالة لبلبة للزعيم قبل عيد ميلاده : إنت أهم إنسان في حياتي

يحتفل الزعيم عادل إمام غداً الأربعاء، بعيد ميلاده الـ 83، ويحرص عدد كبير من النجوم على تهنئته ومشاركته هذا اليوم وسط أبنائه وأحفاده.

ومن بين هؤلاء النجوم لبلبة، التي شاركت مع الزعيم في العديد من الأعمال، وحققا سويًا نجاحات كثيرة، خبر أبيض تواصل معها، ووجهت رسالة خاصة جدًا للزعيم، وقالت : كانت أجمل أيام حياتي اللي اتعاملت فيها معاك، ودايمًا الناس كانت بتبصلي على إني زوجتك، وكل الأعمال اللي قدمتها جسدت فيها دور زوجتك، ما عدا فيلم احترس من الخُط، من إخراج الراحل العظيم سمير سيف.

وتابعت : لما كنت بسافر أي بلد كانوا بيسألوني عنك، ويقولولي عادل إمام أخباره إيه، طبعًا وحشني إني أمثل قدامك، كانت أجمل أيام حياتي لما عملنا أجمل شغل مع بعض، واتعلمت منك حاجات كتير، إزاي أشتغل على الشخصية اللي هقدمها وإزاي تبقى أدواري مختلفة عن بعضها.

وأضافت : إنت أهم إنسان في حياتي، وقفت جنبي وكل عائلتك يوم رحيل والدتي، وبشكرك إني أديتني فرصة أعمل أعظم أدوار حياتي معاك، ربنا يخليك ليّ ولكل الملايين اللي بيحبوك، وكل سنة وأنت زي القمر.

شاهد الفيديو التالي ...