يسرا : اتكسرت بعد وفاة أمى ومشتاقة لأعمال وحيد حامد ويوسف شاهين
تحدثت يسرا عبر قناة سكاى نيوز عن كواليس مشوارها الفنى وعلاقتها بالراحل هشام سليم وقالت : اتعرض عليا زمان فيلم فى هوليود، ومكنش مناسب ليا ولا لينا كمنطقة عربية، ورفضته رغم إنه اتعرض عليا برقم خيالى.
وتابعت : مبعرفش أشتغل فى حاجة غير اللى بحبها ومصدقاها، مضيفة : مشتاقة لنوع الفن القديم ولأعمال وحيد حامد ويوسف شاهين وعادل إمام.
وقالت عن هشام سليم : مخدش حقه كفنان، راح قبل ما يخلص كل أماله، ولا عرفنا نستفيد من الشخصية دى فى الفن بالقدر الكافى، وتابعت : لما رحت أستلم جائزة هشام قولت لو كان حس بالحب ده وهو عايش كان فرق معاه.
واستكملت يسرا : السوشيال ميديا خلتنا زى الروبوت وفرقتنا عن بعض، وإحنا فى عصر سرعة غير عادى، وهى كانت معمولة عشان توصل لاشئ بشكل أسرع، لكن الناس بتحكم عليك عن طريقها، وشددت : بعد وفاة والدتى اتكسرت ومازلت متأثره بها وبوفاة هشام سليم.
