بالفيديو .. محمد صبحى : بعدت عن الكرة والسينما والطاووس وخلى بالك من زيزى أخر المسلسلات التى أعجبتني

كشف محمد صبحي عن رأيه في الأعمال الفنية المعروضة في الفترة الحالية، وقال في تصريح خاص لـ كاميرا خبر أبيض : في مسلسلات كتير عجبتني الفترة اللي فاتت زي الطاووس، مع تحفظي على بعض الحاجات اللي مش حاببها فيه، لكن الواحد بيفرح لما بيتفرج على مسلسل كويس زي ده. وكمان عجبني مسلسل خلى بالك من زيزي، لـ أمينة خليل ومحمد ممدوح.

وعن السينما قال : ماقدرش أقول إن مفيش أفلام كويسة، أكيد في أفلام جيدة، لكن أنا بعدت عن الكورة والسينما، وبتفرج على أفلام أجنبية بس، وبقالنا 12 سنة في ركود، بعد ما كنا بنعمل 100 فيلم في السنة الواحدة، منهم 30 فيلم وحش، لكن في 70 فيلم حلو.

الجدير بالذكر، أن محمد صبحي كان قد أعلن عن عودته للسينما بعد غياب 32 عامًا، بفيلم جديد بعنوان المعادلة صفر، وأكد أنه كان يدرس قرار عودته للسينما منذ سنوات، وأنه لم يعتزل السينما، وإنما توقف بسبب انتشار أفلام المقاولات.

شاهد الفيديو التالي …