محمد أبو جبل : محمد صلاح قالي ساديو ماني هيشوط ضربة الجزاء في اليمين وكنت بتدرب وأنا عندي كورونا

حل محمد أبو جبل، لاعب منتخب مصر ونادي الزمالك، اليوم، ضيفًا على برنامج الحكاية، الذي يقدمه عمرو أديب، عبر قناة mbc مصر، وذلك للحديث عن تألقه مع المنتخب وخسارة لقب أمم إفريقيا في المباراة النهائية أمام السنغال.

وقال عن سر الزجاجة الشهيرة : فيه جهاز محترم بيؤدي دوره على أكمل وجه، ومنهم الحضري مدرب حراس المرمى، بيدي تعليمات للمعد البدني، وبيطلب معلومات عن كل اللاعبين اللي بيشاركوا ضدنا، والزجاجة الشهيرة اللي ظهرت في المباراة بتوضح أماكن وطريقة شوط اللاعبين لضربات الجزاء، وأنا كمان بدرس قبل المباريات طريقة لعب كل لاعب من الفريق المنافس.

وعن الحوار الذي دار بينه وبين محمد صلاح قبل ضربة الجزاء التي سددها ساديو ماني قال : محمد صلاح لاعب كبير ونستفيد منه، وقال لي إن ساديو هيشوط في اليمين، وقال إن هو جاي ورايا وإحنا حاولنا نشتته وبالفعل سدد في نفس الزاوية اللي قال عنها صلاح، وتابع : واضح إنهم كانوا مذاكرين منتخب مصر كويس، وشاطوا في أماكن بعيدة وبشكل مميز.

وعن مشاركته الغير متوقعه قال : ترتيب ربنا مفيش أحسن منه، ومكنتش أتوقع كل ده يحصل، ومحدش كان يتوقع الظروف اللي مرينا بيها من الإصابات والغيابات، وكنت بتدرب وأنا عندي كورونا.