نصر محروس : الهجمة كانت شديدة ضدي على السوشيال ميديا وهفضل في ظهر بهاء سلطان طول العمر

حل بهاء سلطان والمنتج نصر محروس، ضيفين، على برنامج صاحبة السعادة، الذي تقدمه إسعاد يونس، والتي كشفت عن محاولاتها العديدة للصلح بين الطرفين، على مدار الأشهر الماضية، إلى أن تلقت مؤخرًا مكالمة من محروس، أخبرها أنه يرغب في الحديث معها عن الأزمة.

وقال نصر محروس : غيابي الفترة الماضية كان بسبب وفاة والدي، الذي عرفت عنه كل شئ الدنيا والفن والحياة، وتابع : عرفت يعني إيه أب لما خلفت، ولما رحل حسيت إني كبرت، وبقى عندي نضج وهدوء وسلام نفسي، وأنا هقف عند بهاء سلطان، لأن بينا عشرة كبيرة، وعن أسباب الأزمة بينهما قال : هناك عوامل خارجية، والإلتزام بالعقود، ولازم يكون في احترافية في التعامل بعد ما الفنان يبقى نجم كبير، لأننا كمنتجين بندفع فلوس كتيرة علشان نصنع نجم.

وتابع : الهجمة كانت كبيرة عليّ في السوشيال ميديا، ولو جه دلوقتي هنبني حاجة جديدة، رغم إنه رايح شركة جديدة، وأنا مبسوط لأن الحاجة دي رايح بيت أخويا، ومش مهم أي حاجة تانية، وبعمل أي حاجة من قلبي لأخويا لأني هفضل في ظهره طول العمر.

وقال بهاء سلطان : من يومين نصر محروس قاللي هفضل في ضهرك في أي مكان تروحه، وإحنا علاقتنا بقالها حوالي 23 سنة،