طه دسوقي : كنت خايف ومرعوب من فكرة حالة خاصة وغادة عادل ساعدتني
كشف طه دسوقي من خلال برنامج صاحبة السعادة، تقديم إسعاد يونس، عن كواليس أحدث أعماله حالة خاصة، بعد النجاح الكبير الذي حققه منذ أول يوم عرض.
مرعوب من الفكرة
وقال طه دسوقي : لما أستاذ طارق الجنايني عرض عليا العمل وافقت بسرعة أوي واترعبت من الفكرة ومكنتش عارف حاجة خالص عن الدور، وكان من أول الناس اللي طمنتني، وكمان الشخصية شدتني وقلقت إنه مش عمل كوميدي وكنا دايمًا على اتصال.
وأضاف : كان معايا ناس كتير ساعدتني في تجسيد الشخصية زي غادة عادل، واللي كان بينا روح حلوة خلال التصوير، وطاقم العمل كله كان متعاون، والكل كان خايف على شغل التاني زي شغله بالظبط.
أول يوم تصوير
وعن أول يوم تصوير قال : أول يوم تصوير كنت داخل اللوكيشن لقيت محدش سلم عليا وكنت خايف، واكتشفت بعدها إن تامر الشيخ اللي قالهم محدش يتعامل مع طه خالص عشان الدور، وكان بيت نديم هو أول مشهد أصوره، وبدأت بتصوير المشاهد السهلة.
ويناقش مسلسل حالة خاصة، مرض التوحد وكيف يؤثر على حياة الشخص، وذلك من خلال شخصية نديم التي يقدمها طه دسوقي، حيث يعمل محامي ويحاول أن يلتحق بمكتب أماني النجار، أشهر محامية في مصر، والتي تجسد شخصيتها غادة عادل.
ومسلسل حالة خاصة يتكون من 10 حلقات، ويضم كل من غادة عادل، طه دسوقي، هاجر السراج، نبيل علي ماهر، أحمد طارق، حسن أبو الروس، وئام مجدي، أحمد الأزعر، على السباعي، لينا إيهاب، الطفل أدم وهدان، أدهم النحاس، وتأليف مهاب طارق، وإخراج عبد العزيز النجار، وإنتاج طارق الجنايني.
ويعد مسلسل حالة خاصة، أولى بطولات طه دسوقي في الدراما، بعد نجاحه في الموسم الرمضاني الماضي بمسلسل الصفارة.
