محمد سامي : بكتب مسلسل جديد هيكون الأهم والأكثر جدل ومشاهدة في مسيرتي
أعلن محمد سامي في مارس الماضي، اعتزاله إخراج الدراما التلفزيونية نهائيًا، وذلك بعد عرض آخر أعماله مسلسلي سيد الناس، وإش إش في رمضان الماضي، ليفاجئ جمهوره بقرار عودته بمسلسل جديد سيكون الأهم والأكثر جدلًا في مسيرته بحسب وصفه.
مسلسل جديد لـ محمد سامي
وكتب محمد سامي عبر صفحته على فيسبوك : رد كليتي للمخرج محمد سامى، بسم الله، بكتب مسلسل جديد، سيكون بأمر الله الأهم في مسيرتي الفنية والأعلي مشاهدة وجدل، حكاية جديدة لم يتم تناولها من قبل في أي عمل فني سواء عالمي أو محلي، هصور إمتي ومين الأبطال وهينزل إمتى، كل ده معرفهوش لسه ولا فبالي.
وتابع : كل اللي أعرفه أنه سيكون أرقي وأميز أعمالي وسيكون عمل يحترمه ويقدره كل بيت عربي، إدعولي يخلص بنفس القوة اللي بدأ معايا بيها، واللي مفرحني في العمل ده، إني كنت بحاول ألاقي معادلة صعبة جدًا بالنسبالى وهي إزاي العمل الجماهيري النهاردة بمتطلبات السوق يكون فني بحت زي أعمال كتير إتقدمت زمان من أساتذتنا وإزاي أقدر أخد موضوع يهم المجتمع لقوة الجذب اللي إعتادها الجمهور العربي مني وماتبقاش مشاهداته محدودة أو نخبوي مع إحترامي لمحبي الأعمال النخبوية.
واختتم : إزاي أغير تماما عن كل حاجة قدمتها وأعمل بنصيحة الأستاذ طارق الشناوي وهي التغيير قبل تشبع الجمهور، والحمد لله لقيت ده في مشروعي الجديد، الله الموفق ويكمل إن شاء الله على خير.
اعتزال محمد سامي
وكتب محمد سامي عبر حساباته على فيسبوك وانستجرام : وداعا الدراما التلفزيونية، السنه دي كانت آخر أعمالي التلفزيونية، واللي فيها بودع المسلسلات، رحلة طويلة حوالي 15 سنة، قدمت فيهم كل اللي قدرت عليه لإسعاد الجمهور العربي، وحققت بفضل ربنا نجاحات مع نجوم كتير ومع شركات وقنوات كلها مهمة، وكان دايما الجمهور بيشجعني، سواء بردود الأفعال أو بتصويته ليا في الجوائز، وأي نجاح حققته كان بفضل ربنا والجمهور.
وتابع : يمكن المقربين ليا عارفين إني واخد القرار ده من فترة وهو إعتزال الإخراج التلفزيوني ولكن كنت بنتهي من إلتزامات موقعة مع شركات و نجوم والحمد لله إنتهيت منها وكان أخرها 2025، معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي ومن الوقوع في فخ التكرار ودائرة المتوقع والملل، والوحيد القادر علي الدوام هو الله وحده.
سر إبتعاد محمد سامى عن الدراما
وكشف خبر أبيض خلال الأشهر الماضية، سر غياب محمد سامي عن الدراما التلفزيونية، وهو التحضير لفيلم عالمى مع يونيفرسال ستوديوز، يشارك فيه نجمان عالميان.
