آمال ماهر لـ خبر أبيض: بختار الأغاني بإحساسي وصورت كليبات كتير في ألبومي الجديد علشان يتأرخ
كشفت آمال ماهر كواليس التحضير لألبومها الجديد حاجة غير، وقالت في تصريح خاص لـ خبر أبيض: كنت سعيدة جداً برد فعل الجمهور على الألبوم، وأكتر من أغنية منه كانت تريند على التيك توك.
بختار الأغاني بإحساسي
وتابعت : كنت حابة إن الألبوم يتأرخ، وأنا كمان بعيدة بقالي فترة طويلة جداً، ومن الآخر أنا مش بصور كليبات كتير، وكنت حابة أقدم لجمهوري وجبة دسمة من الكليبات، علشان يشوفوني بأكتر من لوك وأسلوب.
وأضافت : حاجة غير ده أول ألبوم كامل من 6 سنين، كنت بكتفي فيهم إني أنزل أغاني سينجل، وكنت حابة إن رجوعي يكون بالقوة دي، وبختار الأغاني بتاعتي دايما بإحساسي.
تفاصيل ألبوم آمال ماهر الجديد
وطرحت آمال ماهر في يوليو الماضي، ألبومها الجديد حاجة غير، والذى تتعاون خلاله مع مجموعة كبيرة من الشعراء والملحنين والموزعين، والألبوم مكون من 10 أغاني، منها لو لينا عمر من كلمات نادر عبد الله، ألحان محمدي، توزيع مادي، وأغنية يا جبروتك كلمات عليم، ألحان إسلام رفعت، توزيع إلهامي دهيمة، وأغنية رقم واحد من كلمات نادر عبدالله، ألحان أحمد زعيم، ماستر وميكس أمير محروس.
وأغنية عقدة حياته، كلمات نادر عبد الله، ألحان أحمد زعيم، توزيع عمرو عبد الفتاح، وأغنية حاجة غير، كلمات نادر عبد الله، ألحان أحمد زعيم، توزيع أحمد أمين، وأغنية مضمونة، كلمات أحمد المالكي، ألحان مدين، توزيع يحيى يوسف، وأخيرًا أغنية اتراضيت كلمات أحمد المالكي، ألحان عمرو الشاذلي، توزيع عمرو الخضري.
آخر حفلات آمال ماهر
وأحيت آمال ماهر، خلال الفترة الماضية، حفلًا غنائيًا بالساحل الشمالي ضمن حفلات الصيف، وقدمت عددًا كبيرًا من أغانيها، منها : سكة السلامة، عندي صاحبة، اتقي ربنا، ياما عز عليا بعادك، وبداية بدايتك.
وعلى هامش الحفل تحدثت آمال ماهر عن ألبومها الجديد، قائلة : الألبوم هو حاجة غير بالنسبة لي، من حيث اختيار الكلمات والألحان والتوزيع، وهو من الألبومات اللي بذلت فيها جهد كبير.
وردت على شائعات زفافها بعد ظهورها بفستان أبيض، وقالت : الصورة من كليب خبر عاجل ونزلناها كترويج للألبوم، وأول مرة ألبس فستان فرح، ملبستوش قبل كده وده نصيب، ولقينا تفاعل كبير من الجمهور اللي أنا بحترمه وبشكره على دعمه.
