أحمد سعد : قعدت 15 سنة أعمل أغانى صعبة ومحدش كان بيجيبنى فى الأفراح
تحدث أحمد سعد في حلقة جديدة من بودكاست البودكاسترز، عن مراحل مختلفة من رحلته الطويلة في الغناء، والتغيرات الكبيرة التي مر بها حتى وصل لما هو عليه اليوم.
أحمد سعد يتحدث عن بداياته
وقال أحمد سعد : قعدت 15 سنة أعمل أغانى صعبة على الجمهور ومحدش كان بيجيبنى فى الأفراح، مرة في بداية حياتي، واحد جابني في فرح وصعب عليا جدًا، كنت عايز أقول له ليه تبوظ فرحك؟ ليه جايبني ده أنا كل الأغاني بتاعتي حزينة جدً.
وتابع : حاليا أصبحت من المدرسة الفرفوشة وأستاذ طارق مدكور، قالي زمان أنت بتغني حلو وغني اللي الناس تعرف تغنيه وأكتر وقت ببقي مبسوط فيه وهي الناس بتغني معايا.
واستكمل : أنا بيبع منتج وفيه حد هيشتريه، والمطرب مش هو المسؤول الأساسي عن الحاجات اللي بيعرضها، واللي بيشتري هو كمان مسؤول، لأني مش هبيع حاجة مبتتبعش، وأنا فضلت طول عمري أبيع حاجات مبتتبعش، وأعملها وأنشرها وبعد ما أخلص الغناء أروح البيت ومحدش بيجبني في الأفراح والحفلات.
وتابع : أنا قررت أروح للناس بالشكل اللي هما عايزينه، وأخدهم معايا ونرتقي ودي خطتي الأساسية، والناس لما بتحبك وتثق فيك لو قولت أي حاجة هيحبوها وبحاول أعمل حاجات حلوة ومناسبة وفيها ارتقاء بداية من الوقت الحالي.
كليب أغنية تاني
حقق كليب أغنية تاني لـ أحمد سعد وروبي، نسب مشاهدة عالية تخطت الـ 4 ملايين مشاهدة على يوتيوب، بعد أسبوعين من طرحه ضمن أغنيات ألبوم بيستهبل لأحمد سعد.
صناع أغنية تاني
وأغنية تاني من كلمات فلبينو وتوزيع أحمد طارق يحيى ومكس هاني محروس ومن إخراج أحمد عبد الواحد، وتجمع أحمد سعد وروبي للمرة الثانية بعد أغنية يا ليالي الذي تم طرحها قبل عامين، وحققت أكثر من 104 مليون مشاهدة على يوتيوب.
بيستهبل لـ أحمد سعد
وطرح أحمد سعد مؤخرًا ألبومه الجديد على مرحلتين، ومكون من 10 أغاني، الجزء الأول يضم 5 أغاني هم بيستهبل، وأخويا، ومكسرات، وبطة، وتاني، وتم طرحهم 16 يوليو الماضي، أما الجزء الثاني يضم 5 أغاني أيضًا هم شفتشي، واتك اتك، وحبيبي ياه ياه، واتحسدنا، وبلونة، وطرحهم يوم 24 يوليو الماضي.
حفل أحمد سعد الجديد
ويستعد أحمد سعد لإحياء عدد من الحفلات الغنائية خلال الصيف، ومنها حفل بالساحل الشمالي يوم 8 أغسطس، ومن المقرر أن يقدم خلاله مجموعة من أهم أغانيه.
