كريم الشناوي : إش إش الأعلى مشاهدة فى رمضان 2025 ومحمد سامي ميعرفش يعمل اللى بعمله
أكد المخرج كريم الشناوي أن المنافسة في موسم دراما رمضان لا تعنيه من منظور الأرقام فقط، مشددًا على أن اختياراته الفنية تنبع من قناعاته الشخصية وليس السعي وراء تحقيق أعلى نسب مشاهدة.
مخرج لام شمسية: مش عايز أبقى الأعلى مشاهدة
وفي لقائه ببرنامج ضيفي مع، علّق الشناوي على تصدر مسلسل إش إش نسب المشاهدة مقارنة بمسلسل لام شمسية، قائلًا : مش عايز أبقى الأعلى مشاهدة، ومش فارق معايا الموضوع ده، إحنا عايزين نعمل إيه لما يبقى في مسلسل تاني أعلى مشاهدة، والنوعية دي لازم تبقى موجودة في السوق، لأن ناس كتير بتحبها.
وأشاد الشناوي بالمخرج محمد سامي، معتبرًا إياه الأبرع في تقديم نوعية معينة من الأعمال : أستاذ محمد سامي أشطر واحد في الحتة دي، أنا معرفش أعملها زيه، وهو كمان ميعرفش يعمل اللي أنا بعمله.
وتابع : لو أنا مهتم أكون الأعلى مشاهدة كنت هاخد قرارات مختلفة، لكن اللي يهمني أكون الأهم وأعيش أطول، لأن في الآخر كل حد بيرتاح في منطقته والسوق لازم يبقى فيه كل حاجة، والتنوع هو الأصل.
مسلسل لام شمسية
واختتم حديثه بالتأكيد على أن الجمهور هو الحكم الأول والأخير : لو الجمهور مش عايز عمل مش هيتفرج عليه، ومفيش منتج هيغامر ينتج حاجة الناس مش عايزاها، والسنة دي شوفنا تنوع كبير، ودي علامة على أن ذوق الجمهور نفسه بيتغير باستمرار.
صناع لام شمسية في مهرجان Series Fest
وشاركت الكاتبة مريم نعوم والمخرج كريم الشناوي، صناع مسلسل لام شمسية، في ندوة نقاشية ضمن مهرجان Series Fest للحديث عن العمل الذي عرض ضمن منافسات الموسم الرمضاني الماضي وحقق نجاحًا كبيرًا، وكان جزءًا من نقاش حول قوة القصص في تسليط الضوء على قضايا مجتمعية إنسانية.
ويحتفي مهرجان Series Fest بالإبداع التلفزيوني وتجمع الأصوات من حول العالم لإلهام التغيير عبر الدراما.
نجاح مسلسل لام شمسية
استطاع مسلسل لام شمسية أن يحافظ على وهجه وتأثيره القوي لدى الجمهور، ولم تتوقف أصداء النجاح الجماهيري الواسع والتفاعل الملحوظ الذي حققه العمل خلال عرضه الرمضاني، بل امتد ليشمل تحقيق نسب مشاهدة عالية على مختلف المنصات الرقمية، مؤكداً بذلك على جودة الإنتاج وقوة الطرح الدرامي الذي لامس قلوب المشاهدين وعقولهم.
