عمرو أديب : محمد صلاح لاعب معجزة وأحمد حلمي بيمر بظروف صعبة بعد رحيل شقيقه

حرص عمرو أديب خلال حلقته المذاعة عبر قناة MBC مصر على تهنئة محمد صلاح بكلمات داعمة ومشجعة بعد تسجيله الهدف الـ 200 مع ليفربول والـ 150 في منافسات الدوري الإنجليزي الممتاز.

وقال عمرو أديب خلال البرنامج : مين  كان يصدق إن محمد صلاح يوصل للمرحلة دي، محمد صلاح نموذج مثالي للمصري العربي المسلم اللي يشرف، وكل سنة يكون أفضل من السنة اللي قبلها، التزام غير طبيعي وجدية مذهلة، وشخص محترم ومحبوب.

وأضاف : صلاح لن يتكرر، محدش هيعرف يقرب من محمد صلاح، لاعب معجزة، وغير طبيعي، ودرس لأي شاب عايز يوصل. 

من ناحية أخرى قدم خلال الحلقة، العزاء إلى أحمد حلمي في وفاة شقيقه، الذي وافته المنية يوم الجمعة الماضية، كما وجه إليه رسالة دعم وتشجيع : أحمد حلمي بيمر بظروف صعبة بعد هذا الفقد الأليم، ربنا معاه ويصبره، أحمد حلمي مقرب لقلوب كل المصريين، وأخوه الكبير كان واحد من العلامات اللي في حياته، كلنا بنعتبر أحمد أخونا وصديقنا، أحمد فنان جميل ومحترم، لما يكون عنده حزن كبير كلنا بنقف معاه، وامبارح أغلب أصدقائه كانوا جنبه وقت الجنازة، ربنا يصبره على الحزن الكبير اللي هو فيه.