عمرو مصطفى : أغنية يتعلموا لـ عمرو دياب منجحتش زي برج الحوت وسميرة سعيد تبنتني من صغري
تحدث عمرو مصطفى عن بعض زملائه الفنانين وعلاقته بهم مثل محمد حماقي وسميرة سعيد ونوال الزغبي، وذلك خلال لقاء ببرنامج من الآخر، الذي يعرض على شاشة on.
وقال عمرو : سميرة سعيد تبتنتي من صغري ومحمد حماقي حبيبي وصاحبي، ومعنديش مشكلة مع نوال الزغبي عشان هي لذيذة وشخص نظيف.
وتابع: فيه مشكلة كبيرة إن في أسماء صغيرة بتطلع تتكلم عني وناس ساعدتها في حياتها، بتطلع برضه تتكلم، كمية قلة أصل مش طبيعية، وعمري ما ذكرت اسم حد والمذيع هو اللي بيذكر أسماء.
وتحدث عن أغنية يتعملوا لعمرو دياب، قائلاً: أغنية يتعلموا منجحتش، وأغنية سيبوه وبرج الحوت نجحوا أكتر بكتير ولو معايا لحن وهختار حد يكتب كلمات عليها، هختار مرسي جميل عزيز.
وأضاف: شغلي أجمد شغل وأنا مستعد لأي منافسة بيني وبين أى حد، وبرد على أي حد بيقول أغنية على بشرة خير مسروقة بإنى هقاضيه.
واختتم حديثه: نفسي أشتغل في حالي وبحترم الناس كلها، ومش عايز أذكر اسمهم لأنهم مش مهمين في حياتي، وأتمنى يعملوا أغاني ناجحة من غير ما يذكروا اسمي ولا أذكر اسمهم.
