بالفيديو .. محمد سامي : لا أصرف مليم علي السوشيال ميديا وأنا مادة خصبة للإعلام

اعتاد المخرج محمد سامي على إثارة الجدل بأعماله، والتي تحقق نسب مشاهدة عالية، كما أنها تصبح حديث السوشيال ميديا طوال مدة عرضها، وهو ما تسبب في توجيه اتهامات له بأنه يستعين بجيوش في السوشيال ميديا.

ورد سامي على هذه الاتهامات، وقال في تصريح خاص لكاميرا خبر أبيض : أنا عايز واحد بس يقول إن محمد سامي صرف جنيه واحد في حياته على السوشيال ميديا، أنا غصب عني بسبب تصريحاتي اللي قولتها زمان، أصبحت مادة خصبة للصحافة والإعلام، وتابع : في ناس شايفة إن الخبر اللي بيتكتب عني بينتشر أكتر لأن عندي سوشيال ميديا ورايا.

وأضاف : بالمنطق ده أي حد في الدنيا بالسوشيال ميديا كان يبقى كريم عبدالعزيز ومحمد رمضان، وأي واحدة حلوة تبقى يسرا، وأي حد نزل أغنية كان نجح بالسوشيال ميديا، هل معني كده إن المسلسلات اللي متشافتش في رمضان مكنش معاها سوشيال ميديا، اللي يفرق معايا في كل ده أن أي حد يشوفني شخص ناجح.

شاهد الفيديو التالي …