بالفيديو .. بسمة : أترك الحرية لإبنتي وأستعد لتصوير مسلسلي بطن الحوت وبينا ميعاد

عادت بسمة لجمهورها بقوة هذا العام بأكثر من عمل في دراما رمضان هما حضرة العمدة مع روبي، وعلاقة مشروعة بطولة ياسر جلال، كما تستأنف الفترة المقبلة تصوير مسلسل بطن الحوت الذي خرج من السباق الرمضاني في اللحظات الأخيرة.

وتحدثت بسمة عن عودتها للفن منذ 5 سنوات، وقالت في تصريح خاص لكاميرا خبر أبيض : بعد ما رجعت مصر من 5 سنين كنت بشتغل بإيقاع بطئ شوية، لكن لما بنتي بدأ اعتمادها عليّ يقل عن الأول بقى عندي شوية حرية أكتر إني أنزل أشغل، وشايفة ردود الأفعال على الشغل اللي اتقدم على مدار الـ 5 سنين حلو قوي، لكن متشوقة للي لسه جاي.

وعن استعداداتها للفترة المقبلة، أضافت : أستانف الفترة المقبلة تصوير مسلسل بطن الحوت مع محمد فراج وباسم سمرة، وأسماء أبو اليزيد وإخراج أحمد فوزي صالح، وفي كلام قوي على تقديم جزء تاني من مسلسل وبينا معاد من إخراج هاني كمال، بطولة شيرين رضا وصبري فواز ومدحت صالح، وفي موضع تاني بس لسه  قدامه شويه.

وعن موقفها من دخول ابنتها مجال التمثيل أضافت : هي لسه صغيرة، وإحنا اتفقنا إنها لما تكبر هتعرف هي عايزة إيه، وإحنا بنشجعها وبنساندها أيًا كانت اختياراتها، لأن في إيمان شخصي أن الإنسان علشان يبقى ناجح لازم يحبه ويكون هو اللي مختاره.

شاهد الفيديو التالي …