ياسر جلال يتصدر مؤشرات البحث بعد إعلان تبرعه لصندوق تحيا مصر بـ 3 ملايين جنيه
تصدر ياسر جلال جلال محركات البحث على السوشيال ميديا، خلال الساعات الأخيرة بعدما أعلن تبرعه لصندوق تحيا مصر بـ 3 ملايين جنيه.
وتم تداول مقطع صوتي لياسر قال فيه : قررت أتبرع لصندوق تحيا مصر بمبلغ 3 ملايين جنيه اللهم لك الحمد والشكر، أنا اللي معايا مش كتير أوي عشان استقطع منه مبلغ بالحجم دا عشان أتبرع بيه، بس أنا بعمل كده لبلدي، وعن طيب خاطر، وأقسم بالله العظيم محدش قالي أعمل كده أو حد قال اطلع قول الكلام ده.
وتابع : كل الشعب المصري بيتبرع لمستشفيات كتير والجميعات الخيرية، بس مبنقولش عشان دي حاجة بينا وبين ربنا، لكن أنا بعلن عن الجهة اللي اتبرعت ليها والمبلغ اللي اتبرعت بيه لأني أتمنى إن كلنا نشترك ونعمل كده وأنا بدعو زميلاتي النجمات وزملائي النجوم إنهم يتبرعوا وفيه منهم كتير عملوا كده بس ياريت يعملوا كده تاني يبقى شئ عظيم.
وواصل : أنا راجل لا غاوي شهرة ولا منظرة ولا نجومية، أنا راجل بشتغل وبخلص شغلي وأروح أقعد مع أهلي، وأنا بعمل كده لأن بلدنا بتمر بأزمة كبيرة والعالم كله بيمر بأزمة كبيرة والانعكاس ده واضح على الحالة الاقتصادية اللي بتمر بيها مصر، إن شاء الله الأزمة دي هتعدي طول ما إحنا إيدينا في إيد بعض، وضهر وسند لبعض، ربنا يحفظ مصر ويستر شعب مصر ويرزقنا ويحمي الشعب المصري كله.
يذكر أن جلال حجز مقعدًا في السباق الرمضاني المقبل 2023 بمسلسل علاقة مشروعة، ويشاركه بطولته مي عمر، ومن إخراج خالد مرعي، وينتمي العمل إلى نوعية أعمال الـ 15 حلقة، وتدور أحداثه في إطار اجتماعي رومانسي.
