بالفيديو .. سألنا أحمد حاتم : أنت ملحد ولا عاشق ولا من المطاريد .. إعرف ماذا قال؟

انتهى أحمد حاتم، الفترة الماضية، من تصوير عدد من الأفلام الجديدة المقرر عرضها الفترة المقبلة، وهي عاشق، يحيى الذي كان يحمل في السابق اسم الملحد، وفيلم المطاريد، الذي انتهى منه مؤخرًا.

كاميرا خبر أبيض إلتقت بـ حاتم، وسألناه هل هو ملحد ولا عاشق ولا من المطاريد؟، وقال في تصريح خاص : الظروف خلت إن يبقى فيه أفلام كتير خلصانة منزلتش، ولكن لعله خير وأتمنى ينزلوا في أوقات مناسبة، وتابع : فيلم المطاريد هيتعرض تقريبًا في 25 يناير الجاي، وأي حاجة تانية أعتقد هتكون في العيد أو بعد العيد لأخر السنة الجاية، ومش هزود عليهم دلوقتي حاجة جديدة لحد ما ينزلوا، وأعتقد كل فيلم فيهم مختلف تمامًا عن التاني.

وعن فيلم حسن المصري أضاف : صورت معظمه في لبنان، وباقي جزء منه هيتصور في مصر، وهو من إنتاج جابي خوري، وهو عن شخص يتعرض لحادث ويفقد بسببه حاسة السمع، وبقى يسمع بسماعة، وخلت عنه أزمات نفسية وعدم القدرة على السيطرة على ردود أفعاله، الفيلم ده أنا حابه ومش بيتعمل كتير، وهو فيلم إنساني وفي جزء أكشن أتمنى يتعمل بشكل لائق.

شاهد الفيديو التالي …