رئيس مجلس الإدارة
أحمد عصام فهمي
رئيس التحربر
عبدالحميد العش

كل النجوم صوت وصورة

لبلبة : مش هيعرفوا يعملوا قصة حياتى فى عمل فنى علشان مش هيلاقوا حد شبهي

لبلبة
لبلبة

كشفت لبلبة موقفها من تقديم سيرتها الذاتية في عمل فني، وذلك خلال ندوتها بمهرجان القاهرة السينمائي، التي انتهت منذ قليل.



 

وقالت لبلبة خلال الندوة : هحفظ تاريخي من خلال صوري ولبسي في أفلامي، وأنا بحتفظ بيهم في مخزن عندي، وأنا معنديش ابن أو بنت يتكلموا عليا، ولكن اختي وبناتها وأحفاد أخويا هما اللي هيتكلموا عني بعد ما أفارق الحياة.

 

وتابعت : أتمنى ميعملوش سيرتي الذاتية في عمل فني علشان مش هيلاقوا حد شبهي، وقلت لعيلتي بلاش يعملوا سيرتي الذاتية علشان أكيد في ناس هتكون عايشة وقتها، وميصحش نجيب سيرتهم.

 

وتحدثت لبلبة خلال الندوة عن بدايتها، قائلة: أنا مخترتش الفن لأن موهبتي ابتدت تظهر لأهلي، وأنا فى عمر الثلاث سنوات، وكنت بقلد أي حد يدخل عندنا من الجيران، وأول واحدة قلدتها كانت عمتي.

 

وتابعت : أمي لاحظت إني غير أخواتي خالص، وحالياً أنا بقيت خجولة، لكن وأنا صغيرة مكنتش خجولة، وسموني لبلبة عشان كنت لبلب في الكلام والحركات.

 

وكُرمت لبلبة بجائزة الهرم الذهبي لإنجاز العمر خلال حفل افتتاح مهرجان القاهرة السينمائي بدورته الـ 44، وسلمها الجائزة حسين فهمي رئيس المهرجان.

 

وبكت لبلبة خلال لحظة تكريمها على المسرح، ووجهت الشكر لمصر قائلة : بشكر بلدي مصر اللي اتربيت من خيرها ووزيرة الثقافة وحسين فهمي وكل اللي اشتغلت معاهم وأهدى لهم هذا التكريم.